rKTs

e-texts navigator

Volume

Page

306b₁ phyin ci ma log yid kyis su/ /sangs rgyas tshe dpag med mthong nas/ /'di nas bde ba can du mchi/ /bdud kyi spyod yul mngon gyur tshe/ /drang srong chen po tshe dpag med/ /rtag tu ston pa mdzad gyur cing / /sa bcu thob nas de dag gi/ /
306b₂ rnam par dag pa'i rim pa yis/ /byang chub dam pa thob par shog /sangs rgyas kun du bzang po nyid thob nas/ /bag chags bcas pa nyes bsags rtsa nas bton/ /ye shes sgrib med snying rjer ldan nas su/ /'gro ba rnams
306b₃ la sman dang bde ba bgyi/ /phyogs bcu mtha' yas ba na shes bya'i don ma lus par khyab pa'i blo mnga' ba phyogs bcu'i sangs rgyas bcom ldan 'das dang / byang chub sems dpa' rgya mtsho snyed la phyag 'tshal lo/ /sems kyi
306b₄ rnyog pa yid gnyis bsal nas dang por ni/ /shAkya'i rgyal po thub la spyi bos phyag 'tshal lo/ /bde ba can na bzhugs pa'i rgyal ba 'od dpag med/ /bla ma la yang dga' dang gus pas gdung bar bgyi/ /gang zhig phyogs kun dag na da ltar
306b₅ byung ba yi/ /'gro la byams pa'i sangs rgyas nges par bzhugs rnams dang / /'das dang phyis 'byung ba'i rgyal ba thams cad la/ /bdag ni dga' ba'i yid kyis yang dag mchod pa bgyi/ /'di lta ste/ yang dag par rdzogs pa'i sangs
306b₆ rgyas nyi zla sgron ma dang / sku mchog gser 'od dang / bden pa'i dbyangs dang / lhun po bzang po dang / lhun po chen po dang / dbang po'i 'byung gnas dang / pad ma'i dbyangs dang phyag bzang dang / 'od kyi tog dang mchog gi 'byung gnas dang /
306b₇ rin chen zla 'od dang / dpa' bo'i sde dang / kun nas snang ba dang / rnam dag zhal dang / rin chen tog dang / mdog bzang 'byung gnas dang / sa la'i rgyal po dang / rnam dag 'od dang / bde mdzad rgyal po dang / kun nas snang ba dang / lhun po bzang po
306b₈ gsal ba dang / 'od kyi dkyil 'khor dang / dkon mchog brtsegs dang / kun nas 'od dang dpal brtsegs dang / bkod pa chen po dang / sbyangs gsal bai dUr+ya dang / dbang po'i rgyal mtshan dang / thob pa'i sde dang / rab tu lhan ne dang / 'od mdzes dang /

_{iiif viewer powered by OpenSeadragon}

306a - 307a

Texts on this page