rKTs

e-texts navigator

Volume

Page

27a₁ rkang pa brgyan pa stag gi lpags pa'i sham thabs can/ spyan gsum pa 'jigs byed chen po Ta Tas bzhad pa mche ba gtsigs shing 'bar bas 'khrugs pa thams cad rab tu 'bar ba'i 'od kyi tshogs
27a₂ can phyag bzhi pa phyag g.yas par 'od zer chen po'i dkyil 'khor can gyi rdo rje rtse gsum pa'o/ /gzhan par chu srin gyi gdong gi rnam pa'i lcags kyu'i sor mos me tog gi sdong bu ltar 'gugs pa'o/ /
27a₃ g.yon par ltos 'phye chen po bskyil ba'i zhags pa'o/ /gnyis pa'i 'og tu son par bgegs rnams dang / lha ma yin rnams dang / klu dang gnod sbyin la sogs pa rnams la bsdigs pa'o/ /'og tu
27a₄ rgya mtsho chen po bri bar bya'o/ /de'i dbus su ri bo chen po'i steng du pad ma chen po la bzhugs pa'i ni bcom ldan 'das so/ /rgya mtsho chen po de'i nang du lus phyed nub pa'i 'og tu lta ba'i lha ma yin chen po brgyad bri
27a₅ bar bya'o/ /bcom ldan 'das kyi steng du 'od kyi dkyil 'khor gyi drung du pad ma'i gdan la bzhugs pa dang / khro bo'i gdan la bzhugs pa steng du phyag brkyang nas khro bo chen po dbugs 'byin par mdzad pa de bzhin
27a₆ gshegs pa'i sku 'od dpag tu med pa dang / mi bskyod pa dag bri bar bya'o/ /de lta bu'i bris sku yongs su rdzogs pa dang / rig pa 'dzin pa gcig pus mi smra ba'am/ grogs bzang po dang bcas te/ ri bo'am sgra
27a₇ med pa'i phug rnying pa'am/ shing gcig pa'i gnas ji ltar rnyed par lo ma dang / 'bras bu dang 'o ma dang slong ba za zhing sdig pa bshags la bsod nams la rjes su yid rang ba dang chos la dga' bas bris sku rab tu
27a₈ gnas pa bya ste 'bum phrag bcu bzla'o/ /cho ga 'dis hU~M zhes brjod pas ri rab kyang phye mar rlog cing rgya mtsho yang skems so/ /lha'i gnas rnams ltung bar byed do/ /de lta bus sngon du bsnyen pa bya ste/ dpal gyi sgo'i sgor

_{iiif viewer powered by OpenSeadragon}

26b - 27b

Texts on this page