| e-texts navigator |
| བོད་ཡིག |
21a1 gdon mi za bar de ltung ngo / /lha yi khang par 'jug par bya/ /gang dag lha chen por gyur pa/ /der ni yi dags gtor ma mthong / /ji ltar bkres kyang mi bza'o/ /de nyid du ni nges mthong ba/ /skad cig
21a2 tsam yang mi 'gul zhing / /de tshe de ni mi smra ste/ /lha min stong gis rgyas btab pas/ /de mthong nas ni ru sbal gyi/ /rgya ldan lan bdun bzlas pas g.yo/ /de ni rang bzhin dang ba yis/ /gus dang bcas
21a3 pas phyag 'tshal te/ /legs par byon tam dpa' bo rnams/ /ci bde bar yang 'jug par mdzod/ /grub pa'i cho ga'i sbyor ba rnams/ /rin chen rnam pa du ma dang / /dngul chu dang ni bcud len dang / /nor bu
21a4 rnams dang bud med dang / /gzhan yang nang na gang ba yi/ /ral gri dang ni mtshon cha rnams/ /de dag gi ni lag pa nas/ /bzung nas ji ltar bde bar ston/ /phyag na rdo rje'i byin brlabs kyis/ /der ni ji ltar 'dod
21a5 par bya/ /der ni ji tsam sdod kyi bar/ /lha min bu mo rnams dang rtse/ /de rnams kyis bstan lam nas ni/ /ci bde bar ni nges par 'dong / /lha min grong du bde bar 'gro/ /ji ltar bde bar slar yang 'ong / /gang dag
21a6 der ni sngon song ba/ /rdo rje sa 'og gis gzir bas/ /gal te 'ongs par ma gyur na/ /der ni rmongs nas 'chi bar 'gyur/ /des na sngon rgyu zhugs rnams la/ /blo gros ldan pas gzir mi bya/ /
21a7 'phags pa rdo rje sa 'og gi rgyud las dpal gyi sgor 'jug pa'i le'u ste bcwa lnga pa'o// // de nas dpal gyi sgo'i rtogs pa brjod pa'i rim par phye bar gyur pa ni/ dpal gyi sgo yi
21a8 phyir gnas pa'i/ /mtshan nyid mthong nas shes pa yis/ /smra spangs slong ba za ba dang / /'khrug pa med pa'i sems ldan pas/ /blo gros can gyis 'bum phrag gsum/ /dpal gyi sgo la brten te bzlas/ /
iiif viewer powered by OpenSeadragon
Texts on this page
J714 - 'phags pa rdo rje sa 'og gi rgyud kyi rgyal po zhes bya ba