| e-texts navigator |
| བོད་ཡིག |
20a1 ma dang / yungs kar dang / bI la dang ing gu rnams srang re re si ta dang lhan cig bsres la lan nyi shu rtsa gcig bzlas pas bkres pa'i 'khrul 'khor bzlog par byed do/ /a pa mArga'i sa bon dang /
20a2 bi dza ak+Sha'i u dum ba ra'i ril bu la lan bdun bzlas na bkres pa sel bar byed do/ /glang po'i rna ba'i pa la sha'i khu ba blangs la rdo rje'i sdong skyes dang / rdo rje'i 'o ma dang mnyam por sbyar la til mar dang bskol te
20a3 spyin rnams thams cad la mar khu'i mchog des byug par bya'o/ /rdo rje ljon pa'i khrag dang ni/ /de bzhin rdo rje sdong bu'i bcud/ /se ba la yi bcud dang sbyar/ /gser gyi mar dang btso bar bya/ /thog mar de dag
20a4 bcangs nas su/ /mkhas pa yis ni 'bad pas bsdad/ /'bru mar gyis ni lus byugs nas/ /sbyin gyi steng nas 'gro bar bya/ /ing gu bi la'i mar khu dang / /kha ba yi ni nas dag ni/ /rta yi dri dang
20a5 mnyam bsres nas/ /rta yi gcin dang bskol bar bya/ /'di dag gis ni lus byugs na/ /spyin gyis gos par mi 'gyur ro/ /'phags pa rdo rje sa 'og gi rgyud las sman dang rtsi'i le'u ste bcu gsum pa'o// //
20a6 de nas seng ge'i lta stangs kyis bu gar 'jug par bya'o/ /mkhas pas mtshan ma mtshon par bya ste/ dpal gyi sgor rkang bzhi pa dang / dngul chu dang bcud len dang / bud med dang / grub
20a7 pa'i rdzas kyis yang dag par khyab pa dang / bu ga gang dag shang shong can/ /la la rdo bas khyab pa ni/ /de ni rad rod can shes bya/ /sa ni 'bar bas chu skems shing / /phyi rol bshang ba'i dri mnam zhing / /keng rus kyi ni
20a8 rus pas khyab/ /gdug pa'i rdo ba dag gis gang / /de ni rad rod can du bstan/ /'ga' zhig 'jim pa dag gis khyab/ /la la rdo dang chu yis gang / /dri mi zhim pa'i shing mang ba/ /rad rod 'jigs pa nyid du 'gyur/ /
iiif viewer powered by OpenSeadragon
Texts on this page
J714 - 'phags pa rdo rje sa 'og gi rgyud kyi rgyal po zhes bya ba