rKTs

e-texts navigator

Volume

Page

17b₁ chen po bskyil ba'i zhags pa 'chang ba'o/ /'og tu gzigs pa/ zhal mche ba gtsigs pa drag po'i gzugs can ma mos par gyur pas bri bar bya'o/ /rnam par bral ba'am stong pa'i phyogs me tog dang
17b₂ 'bras bu ldan pa'am bu ga'i sgor 'bum phrag drug bzla'o/ /de'i sngon du ji ltar bris sku de gdug pa can 'ga' yis kyang ma mthong ba de ltar bya'o/ /de nas rdo rjes bsnun pa'i shing gis sa bsregs la phyogs der
17b₃ yungs kar dkar po la rdo rje khro bos yongs su bsngags te gdab par bya'o/ /de nas skyes pa'i sa bon de bzung bar bya'o/ /de nas rdo rjes bsnun pa'i shing la me sbar te/ rdo rje'i rnam pa'i thab khung du yung kar de dang tsan dan
17b₄ dmar po bsres la stong phrag brgyad sreg blugs bya'o/ /nyi ma bzhi pa la lha ma yin gyi grong na gnas pa'i bud med las dro ba dang ldan pas nges par 'ongs nas ston par 'gyur ro/ /de rnams dang lhan cig tu 'jug par
17b₅ mi bya'o/ /de rnams dang smra bar mi bya'o/ /nyi ma lnga pa la sreg blugs byas pa'i mthar 'khrul 'khor thams cad la du ba 'byung bar 'gyur ro/ /de nas bud med de dag 'ongs te/ skyes bu dpa' bo byon par zhu zhes
17b₆ smra bar 'gyur ro/ /der yang 'jug par mi bya'o/ /sreg blugs byas pa dang nyi ma drug pa la khang pa thams cad la du ba 'thul bar 'gyur ro/ /'khrul 'khor gyi gnas su ki Ti ki Ta zhes sgrog par 'gyur ro/ /
17b₇ de nas bud med de rnams mig mchi mas gang bzhin du grub pa'i rdzas dang / rin po che thams cad bzung nas 'ong bar 'gyur ro/ /rang gi phyag rgya bstan la blang bar bya'o/ /gal te mi 'dod na yang nyi ma bdun pa la sbyin
17b₈ sreg bya'o/ /gang sngon du zhugs pa de thams cad 'chi bar 'gyur ro/ /'khrul 'khor thams cad ltung ba dang 'joms par 'gyur ro/ /cho nges 'debs shing nges par 'ong bar 'gyur ro/ /de dag la mi 'jigs pa

_{iiif viewer powered by OpenSeadragon}

17a - 18a

Texts on this page