| e-texts navigator |
| བོད་ཡིག |
17a1 ba nyan no/ /grog mkhar bdun gyi rtse mo'i sa bsdus te de las nam mkha' lding byas la ring bsrel gyi snying po can gyi drung du bris sku bkram ste/ dgon pa 'am gzhan gang yang rung bar de'i steng du bsdad la
17a2 stong phrag brgya bzla'o/ /de'i steng du 'gro'o/ /sred med kyi bu chen po'i stobs su 'gyur ro/ /sprul pa chen po byed do/ /thams cad grub pa'i rig pa 'dzin pa rnams kyi 'khor los sgyur bar 'gyur ro/ /las
17a3 thams cad pa lta bur tshe dpag tu med pa dang / 'chi ba la dbang thob pa dang / 'dod na sangs rgyas kyi zhing rnams su skye ba dang de nas yang shi 'phos nas ting nge 'dzin gyi stobs kyis byang chub sems dpa'i dge ba'i bshes
17a4 gnyen gyis rjes su 'dzin par 'gyur ro/ /'phags pa rdo rje sa 'og gi rgyud kyi sprin chen po 'bebs par byed cing rkang 'og thams cad kyi nang du rig pa dang spyod pa dang / rin po che'i 'byung khungs thams cad kyi gtso bo dang /
17a5 mchog ster ba dang / 'khor lo 'dzin pa ltar gcig tu dpa' ba'i rgyal po chen por 'gyur ro/ /'di ni bcom ldan 'das rdo rje 'dzin pas bka' stsal to/ /'phags pa rdo rje sa 'og gi rgyud las thams cad sgrub par byed
17a6 pa'i le'u ste brgyad pa'o/ / // de nas lha ma yin thams cad kyis mchod pa mchog tu gsang ba'i bris sku bshad par bya'o/ /gzhon nu mas bkal ba'i kha tshar ma bcad cing skra med pa'i ras la ri
17a7 mo mkhan gso sbyong dang ldan pas kha dog ma 'dres pa snod gsar par bzhag la kha dog dmar po phyag bzhi pa/ sbrul gyi ska rags kyis brgyan pa sbrul gyi mchod phyir thogs pa can sprin gsar pa lta bu mchu sbyar ba
17a8 dpral bar khro gnyer bsdus pa rdo rje dang bcas pa'i mgo bo'i phreng ba can g.yas par dgra sta dang / yang rdo rje'o/ /g.yon pa'i sdigs mdzub kyis dpal gyi sgo'i bu ga gsal bar byed pa g.yon pa'i gnyis par ltos 'gro
iiif viewer powered by OpenSeadragon
Texts on this page
J714 - 'phags pa rdo rje sa 'og gi rgyud kyi rgyal po zhes bya ba