| e-texts navigator |
| བོད་ཡིག |
16a1 yis/ /phyag rgya bcings la gnas par bya/ /sngon du bsnyen pa byas nas su/ /dngul chu'i bya ba spang bar bya/ /mdo sde'i rjes 'brang cho ga yis/ /mchod rten gyi ni las bya'o/ /grogs rnams kun dang
16a2 rnam grol te/ /slongs mo za zhing mnyam gzhag pas/ /myur du dngos grub thob par 'gyur/ /phyag na rdo rjes byin gyis rlob/ /'phags pa rdo rje sa 'og gi sgrub par byed pa'i dbang bskur ba'i le'u ste bdun pa'o// //
16a3 de nas 'dir bcom ldan 'das 'jig rten gsum gyis zhabs la rjed pa/ khro bo chen po rdo rje sa 'og gi bri sku'i cho ga brjod par bya'o/ /gzhon nu mas bkal ba'i srad bu ba glang gi chus bkrus te/ yan lag brgyad pa'i
16a4 gso sbyong la gnas pa'i thags mkhan gyis btag par bya'o/ /ras su gyur pa dang sngags pa'i khru do pa'i srid la zheng du khru gang dang sor brgyad pa la ri mo mkhan yan lag brgyad pa'i gso sbyong dang ldan pa la bsrung ba
16a5 byas te/ mchod yon phul la bcom ldan 'das ut+pa la sngon po'i kha dog can khro bo spyan dmar po ya sos ma mchu mnan pa/ gnas gsum yo ba/ khro gnyer bsdus pa/ gdu bu dang ska rags dang / rkang gdub dang /
16a6 dpung rgyan dang / rin po che'i cod pan gyis spras pa'i ral pa'i thor tshugs can mi mgo rlon pa'i phreng bas brgyan pa'i mchod phyir thogs 'chang ba gdu bu dang / 'khyil pas rna ba brgyan pa ral pa'i thor tshugs kyi steng du
16a7 pad ma'i dkyil dkrung gis bzhugs pa chos 'chad pa'i tshul can bcom ldan 'das mi 'khrugs pa bri bar bya'o/ /lag pa g.yas par rab tu 'bar ba'i rdo rje'o/ /gnyis par lcags kyu'o/ /g.yon par pad ma'i
16a8 mdzod kyi nang du yid bzhin gyi nor bus gang ba 'dzin pa'o/ /g.yon pa'i gnyis pa lha ma yin sdigs pa'i mdzub mo'o/ /rgya mtsho chen po'i nang du pad ma chen po'i steng na bzhugs pa 'gran zla dang bral ba gcig pu'o/ /
iiif viewer powered by OpenSeadragon
Texts on this page
J714 - 'phags pa rdo rje sa 'og gi rgyud kyi rgyal po zhes bya ba