| e-texts navigator |
| བོད་ཡིག |
164b1 gyi ngo bo nyid kyi me tog gis mchod pa byed pa ni/ thang las skyes ba dang / chu las skyes ba'i me tog sna tshogs pad mo dang / pun da ri ka dang / ku mu ta dang / ut+pa la mthing ka dang / pun da ri ka dang / pa ri sha ka dang / tsam pa ka dang /
164b2 mAn dA ra ba dang / mAn dA ra ba chen po'i me tog la sogs pa thogs nas/ bcom ldan 'das la mchod de/ brgya phrag stong du ma bskor ba byas nas/ bcom ldan 'das la 'di skad ces gsol to/ bcom ldan 'das
164b3 gnod sbyin grangs med pa'i 'khor chen po 'dus par gyur to/ /sha chen po za ba dang / mi'i lus za ba'i gnod sbyin 'bar ba dang / sna tshogs kyi gzugs 'dzin pa mang po 'dus te/ lha dang klu dang gnod sbyin dang /
164b4 'bar ba dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa sna tshogs tshogs par gyur to bcom ldan 'das rig 'dzin tshogs chen po'i tshogs kyi 'khor dang / drang srong chen
164b5 po'i tshogs kyi 'khor de dag kyang 'dus par gyur to/ /byang chub sems dpa'i tshogs mang po yang lhags te/ thog ma'i mtshan ma de ngo mtshar brjod par mthong ste/ bcom ldan 'das gang rig pa bshad du dgongs
164b6 pa/ bcom ldan 'das kyis bshad du gsol/ bde bar gshegs pa dus 'di'i tshe bshad du gsol/ de nas bcom ldan 'das kyis ngal bso bo'i rgyal po chen po la thugs phyung nas/ gnod sbyin 'dul ba kun du
164b7 'bar ba'i 'od chen po'i ting nge 'dzin la snyoms par zhugs so/ /bcom ldan 'das kyis ting nge 'dzin la snyoms par zhugs ma thag tu bcom ldan 'das kyi sku la 'od zer sna tshogs byung ste/ stong gsum gyi stong
164b8 chen po 'jig rten gyi khams 'od zer gyis snang bar byas nas/ 'dus pa'i gnod sbyin dang / 'bar ba dang / 'byung po dang / yi dags dang / sha za dang / rjed byed thams cad la bskul nas 'dug pa'i klu dang klu chen po
iiif viewer powered by OpenSeadragon
Texts on this page
J732 - gnod sbyin gyi sde dpon chen po gar mkhan mchog gi brtag pa