| e-texts navigator |
| བོད་ཡིག |
12a1 'jug par bya'o/ /mar me'i mchod sdong la sbyin sreg gi thab nas me sbar la 'jug go/ /khron pa rnams su 'khrul 'khor gyi bla ma stong phrag brgyad bzlas pas sgo 'byung ngo / /khron pa de na yang ta la'i shing
12a2 sbrul gyi rnam par snang ba la dri ma med pa'i mig sman dang / rgya spos dang ru rta dang bA lA dang / spang spos dang / ldong ros dang 'gi wang rnams mnyam por skar ma rgyal la sbyar ba'i ril bu byas la sman gyi mchog dug 'joms
12a3 pa de shes rab can gyis bsnun par bya'o/ /de nas ta la'i shing nyid du 'gyur ro/ /'di ni bcom ldan 'das phyag na rdo rjes bka' stsal to/ /'phags pa phyag na rdo rjes bka' stsal pa'i 'khrul 'khor 'ba' zhig
12a4 pa'i le'u ste lnga pa'o/ / | // de nas bcom ldan 'das de bzhin gshegs pa'i spyod yul gyi gnas na gsang ba pa'i bdag po lag na rdo rje dang thabs cig tu bzhugs so/ /de nas bcom ldan
12a5 'das kyis gsang ba'i bdag po lag na rdo rje la bka' stsal pa/ lag na rdo rje ji ltar lha ma yin thams cad kyi dregs pa gzhom pa dang / dam tshig la gnas par bya ba'i phyir rdo rje khro bo'i dam tshig 'di sgrogs
12a6 shig / de nas lag na rdo rje stan las langs te bla gos phrag pa gcig la bzar nas pus mo g.yas pa'i lha nga sa la btsugs te/ bcom ldan 'das la btud nas thal mo sbyar te phyag byas nas rdo rje
12a7 khro bos smras so/ /smras pa tsam gyis rdo rje khro bo'i rgyal po me lce gcig tu 'bar te/ 'jig rten gsum bkang nas sgra chen po phyung ngo / /de nas de lta bu'i mtshan ma chen po des lha ma yin 'khor dang
12a8 bcas pa thams cad 'dir lha dang lha ma yin rnams g.yul 'gyed par gyur to snyam du sems te/ lha ma yin rnams la thags zangs ris dang / stobs can dang / rnam par snang byed dang / rab bde dang /
iiif viewer powered by OpenSeadragon
Texts on this page
J714 - 'phags pa rdo rje sa 'og gi rgyud kyi rgyal po zhes bya ba