| e-texts navigator |
| བོད་ཡིག |
50a1 @#/ /rgya gar skad du/ Ar+yA ba lo ki te shwa rA ya sing+ha nA da nA ma d+hA ra NI/ bod skad du/ 'phags pa spyan ras gzigs dbang phyug seng ge sgra'i gzungs zhes bya ba/ bcom ldan 'das rdo rje 'chang la phyag 'tshal lo/ /
50a2 'di skad bdag gis thos pa dus gcig na/ bcom ldan 'das 'phags pa spyan ras gzigs dbang phyug gi pho brang ri bo ta la'i rtse mo na/ rin po che'i khang bzangs rin po che dang / mu tig dang / nor bu dpag med kyis spras pa/
50a3 'od kyis stong gsum khyab pa/ me tog dri zhim po sna tshogs kyis kun nas brgyan pa'i sa phyogs de na byams pa la sogs pa'i byang chub sems dpa' dpag tu med pa dang / nyan thos chen po shA ra dwa ti'i bu la sogs pa dge
50a4 slong rab tu mang pos yongs su bskor cing / bcom ldan 'das seng ge'i gdan bshams pa la bzhugs so/ /'khor der byang chub sems dpa' sems dpa' chen po 'jam dpal zhes bya ba 'dug ste/ 'dug par gyur pa de rang
50a5 gi stan las langs te bla gos phrag pa gcig tu gzar nas pus mo g.yas pa'i lha nga sa la btsugs nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /
50a6 bcom ldan 'das yul ma ga d+ha na rgyal po dbang phyug 'od ces bgyi ba 'khor dang btsun mo dang / longs spyod phun sum tshogs pa dang ldan pa las rgyal po de mdze dang / phol mig dang / dbugs mi bde ba snying nad 'bar
50a7 ba byung ste de ji ltar bsal bar bgyi/ bcom ldan 'das kyis bka' stsal pa/ byang chub sems dpa' sems dpa' chen po 'jam dpal sngon 'jig rten gyi khams 'di nyid la 'jam dpal khyed nyid byang chub sems
50a8 dpa' shes rab chen po zhes bya ba yin la/ 'phags pa spyan ras gzigs dbang phyug seng ge sgra 'di nyid byang chub sems dpa' snying rje'i mchog ces bya ba yin pas/ byang chub sems dpa' de gnyis stong gsum
iiif viewer powered by OpenSeadragon
Texts on this page
J699 - 'phags pa spyan ras gzigs dbang phyug seng ge sgra'i gzungs zhes bya ba