rKTs

e-texts navigator

Volume

Page

279b₁ dang ldan pas bya'o/ /mig gi nad la dri zhim po'i chu 'am/ rgya skyegs kyi chu 'am/ sbrang rtsi 'am/ shing mngar gyis bya'o/ /rtsod pa'i dus thams cad du rtsod pa dang mi snyan par brjod pa la chu la yongs su bzlas te gdong
279b₂ bkru bar bya'o/ /yul gzhan gyi rgyal po'i 'tshe ba la yul 'khor du bum pa gang ba yang dag par gzhag nas gtsang mas gos gtsang ma gyon te mchod pa chen po byas shing bklags na zhi ba chen por 'gyur ro/ /de'i
279b₃ chus kyang gtor bar byas nas sems can thams cad bsrung ba yin no/ /nye bar 'tshe ba thams cad dang / yams rnams zhi ba yin no/ /phyag rgya tsan dan gyi thig le la lan nyi shu rtsa gcig gi bar du yongs su bzlas
279b₄ na mtshams med pa thams cad zad par byed do/ /rtag tu bzlas na khyim bsrung ba'o/ /pad ma'i sbyin sreg gi sems can thams cad kyi bsrung ba'o/ /tsan dan gyi sbyin sreg gis gza' dang / 'byung po dang rgyu skar
279b₅ thams cad las bsrung ba'o/ /rgyal ba dang / rnam par rgyal ba dang / gzhan gyis mi thub pa dang / na gu li dang / dri'i na gu li dang / d+ha ra ni dang / mi 'jigs pa'i lag pa dang / dbang po'i lag pa dang / dri'i pri
279b₆ yang ku dang / ta ka ra dang 'khor lo dang 'khor lo chen po dang / rnam par gnon pa dang / so ma rA dzi dang / su nat+ta zhes bya ba ste/ de dag gang yang rung ba la brgya rtsa brgyad kyi bar du yongs su bzlas nas nor bu lta bur
279b₇ byas nas mgo bo dang dpung pa la bcing bar bya'o/ /byis pa mo rnams kyi ni mgul du'o/ /bud med rnams kyi 'doms su bcangs na rang nyid mchog tu maskal ba dang ldan par byed do/ /g.yang med pa
279b₈ nyams nas bu yang ster ro/ /nor bu 'di bcangs pas thams cad du bsrung ba byas pa yin no/ /dug dang mes mi tshugs so/ /dug gis byas pa yang skye bar mi 'gyur ro/ /nad byung ba yang mi skye zhing myur du zhi bar

_{iiif viewer powered by OpenSeadragon}

279a - 280a

Texts on this page