rKTs

e-texts navigator

Volume

Page

59b₁ du ra nu/ pra biSh+Te/ tsan+da nAng ga dze/ sa man+ta pa ri sho d+ha ni/ bi shud+d+ha shI le/ tsa ri tra ba te/ a na tsed+ya pra ti b+hA ne/ sarba bud+d+hA d+hi te/ b+ha ga ba te/ pA pak+Sha yaM/ A shA me pa ri pU ra ya swA hA/ rigs kyi bu pho 'am/ rigs kyi bu mo gang la la zhig gzungs
59b₂ chen po'i gsang sngags gzhi 'di dag 'dzin tam/ klog gam/ ston tam/ kun chub par byed na/ de tshe 'di nyid la mig rnam par dag par 'gyur ro/ /thos ma thag tu sdig pa las rab tu grol bar 'gyur/ byang chub sems dpa' thaMd kyis byin gyis brlab
59b₃ par 'gyur/ de bzhin gshegs pa'i sku gzugs kyang mthong bar 'gyur/ zla ba phyed kyi bar du bzlas pa byas na/ 'phags pa spyan ras gzigs dbang phyug dang / zla 'od gzhon nur gyur pa mthong bar 'gyur/ mtshams med pa lnga'i sdig byas pa yang 'byang bar
59b₄ 'gyur/ skye ba dran par 'gyur/ tshe brjes nas kyang lha rnams kyi nang du skye bar 'gyur/ khyim bdag chen po skyid pa dag gi nang du skye bar 'gyur/ skye bo thaMd dga' bar 'gyur ro/ /'di ltar sa chen po ma lus pa 'di ni grum par 'gyur yang srid/ rgya mtsho ni skams
59b₅ kyang srid/ de bzhin du ri'i rgyal po ri rab ni 'jig par 'gyur yang srid/ rlung ni zhags pas bcing du rung yang srid/ zla ba dang nyi ma ni sa'i steng du ltung yang srid/ nam mkha' ni lag pa gnyis kyis mnan du rung yang srid/ me ni chur 'gyur yang srid/ 'byung
59b₆ ba chen po bzhi ni gzhan du 'gyur yang srid/ sems can thaMd kyi sems ni gcig tu 'gyur yang srid kyi/ de bzhin gshegs pas gsungs shing byin gyis brlabs pa ni gzhan du 'gyur mi srid de/ sus kyang bskyod pa'am/ bsgul bar mi nus so/ /'di la ni bdud sdig can
59b₇ gyis glags rnyed par mi 'gyur ro/ /de nas byang chub sems dpa' sems dpa' chen po spyan ras gzigs dbang phyug gis bac+doMs la phyag 'tshal nas 'di skad ces gsol to/ /bac+doMs bdag gis kyang gzungs 'di'i cho ga bshad par bgyi'o/ /chos kyi
59b₈ rgyal po'i mchod rten ring bsrel dang bcas pa'am/ sangs rgyas kyi sku gzugs kyi spyan sngar tsan+dan dkar po'i dkyil 'khor bgyis te/ me tog sil ma gtor la tsan+dan gyi bdug pas bdugs te/ zla ba tshes pa nas brtsams nas tshes bco lnga'i

_{iiif viewer powered by OpenSeadragon}

59a - 60a

Texts on this page