rKTs

e-texts navigator

Volume

Page

56a₁ par byed pa bcu pa yin/ /ki li ki li zhes bya dang / /ki li ki la chen po yi/ /khro bo tsham ngam bcu gnyis so/ /'di dag rim bzhin bshad pa yin/ /thog mar bsdigs pa'i rim pa yis/ /be con phyag rgya ldan par bya/ /phyi nas
56a₂ rang gzugs ji bzhin tu/ /sngags pa dag gis shes par bya/ /rang gis gzugs kyang rang gnas pa/ /bsdigs shing tsham ngam byed la sogs/ /skrag par byed pa'i kha ni zab/ /khro bo'i lta ba gdong 'gyur ba/ /rkang pa 'gyed par gzhag
56a₃ pa dag / tsham ngam mtshan nyid bshad pa yin/ /rkang pa ya cig myur tu gzhag /gdong dang nu 'jing yon po byas/ /khro gnyer 'jigs par byed pa bsnyer/ /g.yen pa 'dzub mo gcig gi sdigs/ /tsham ngam byed cing be con gdengs/ /gdong dang
56a₄ brla dang rkang pa g.yon/ /kun tu g.yo zhes bya ba ste/ /khro bo tsham ngam snyems dang bcas/ /kun tu g.yo ba'i rim gsungs la/ /rab tu g.yo zhes bya ba ni/ /cung zad tu ni dbus dam pa'i/ /rab tu g.yo ba brtag par bya/ /de bzhin dpung
56a₅ pa brkyang pa dang / /rkang pa g.yon pa gdangs pa dang / /lag gnyis drag tu rdob pa ni/ /de bzhin skrag par byed par bshad/ /be con la ni blta bar gtad/ /rkang pa g.yas pa gsal bar phyar/ /de ni kun tu sdom par bshad/ /g.yon
56a₆ pa'i 'dzub mos sdigs par byed/ /dpung pa gdengs pa g.yon bzhin tu/ /mig ni 'dzub mo gcig la gtad/ /rkang pa g.yas pa phyar ba ni/ /kun du 'khrug pa zhes bya'o/ /rkang pa g.yon pa gdengs byas te/ /g.yon phyogs
56a₇ su ni phyar zhing bskor/ /dpung pa brkyang ba'i be con gdengs/ /bsdegs pa gcig tu rmongs par byed/ /myur du tsham ngam zhes bya ba/ /de nyid dpung brdabs bsdigs pa'o/ /de nyid las ni kha gdangs pa/ /kha gdangs pa zhes bsgrags
56a₈ pa yin/ /sran dang bcas la bzhi ni bskor/ /thu tsal che ba'i stab su stsol/ /mchu yi mtha' ma so'i mnan/ /lag pa phyar te bsdegs par byed/ /bsnyems dang bcas shing sgra yang 'byin/ /'jigs par byed pa'i hU~M bsgrags pa'i/ /tsham ngam

_{iiif viewer powered by OpenSeadragon}

55b - 56b

Texts on this page