rKTs

e-texts navigator

Volume

Page

55b₁ khro bo'-i rgyal por sngon bzhin du/ /bsgoms na rab mchog grub byed pa/ /he la yi ni 'khor lo yi/ /rtsebs ni bcu gcig la gnas te/ /khro bo chen po'i tshig gi mthar/ /brnyil cig ces pa'i tshig gi bskul/ /khro bo kI li kI li yis/ /bdud
55b₂ rtsi 'khyil pa bskul bya ba/ /tshig gi mtha' mar gnas pa ste/ /cho ga bzhin du bshad pa bzhin/ /kI li kI li zhes bya ba/ /tsham ngam mchog la de bzhin gnas/ /be con gyi ni phyag rgya bcing / /gshen rje'i gshed po bsgom pa ni/ /rin
55b₃ chen rtsa brtan pa yang / /rtse mo nas kyang brnyil bar byed/ /yang na ri khar skye ba yi/ /bstan pa'i shing rnaMs 'gyel bar byed/ /de nas he la'i 'khor lo y-i/ /bcu gnyis pa'i rtseb la gnas/ /khro bo chen po'i tshig gi mthar/ /zhugs shing
55b₄ ces pa'i tshig gis skul/ /bskul nas de'i tha mar ni/ /bdud rtsi 'khyil pa gzhag par bya/ /khro chen ki li ki la ya/ /de'i tha mar bzhag par bya/ /ki li ki la chen po zhes/ /bya ba'i tsham ngam de bzhin bya/ /be con phyag rgya bcings nas su/ /khro bo
55b₅ chen po gshen rje'i gshed/ /yid la rab tu goms byas na/ /btsigs pa shing skam rdo la sogs/ /babs na phyung ste nam mkhar gnas/ /naM mkha' la ni byung nas kyang / /'dod pa bzhin du ltung bar byed/ /'di ni rang 'byung ngo mtshar
55b₆ la/ /'di ni dus gsuM sngon du byung / /spyod pa bzhan yang snga ma bzhin/ /khro bo sgom pas byed par gsungs/ /he la'i 'khor lo dgod pa ni/ /rab tu gsang ba yin par bshad/ /gsang dang bcas shing sbyor bcas pa/ /shes na dngos
55b₇ grub thob bar 'gyur/ /de nas bzhan yang ci rigs pa/ /tsham ngam bcu gnyis sbyor ba dag /mdo dang rgyas pa'i tshul dag gis/ /da ni rab tu bshad par bya/ /kun tu g.yo ba dang po yin/ /de bzhin rab tu g.yo bar bshad/ /
55b₈ sgrag par byed pa gsuM po ste/ /bzhi pa kun tu sdom par byed/ /rab tu 'khrug ces bya ba lnga/ /rmongs par byed pas de bzhin drug /myur ba tsham ngam de la gnas/ /kha gdangs pa ni brgyad par bshad/ /mdzes zhes bya ba dgu pa ste/ /'jigs

_{iiif viewer powered by OpenSeadragon}

55a - 56a

Texts on this page