| e-texts navigator |
| བོད་ཡིག |
271b1 mgon po spyan ras gzigs/ /dkyil 'khor chen po'i tshogs 'di rnams/ /gang gis yid la byed pa 'am/ /yang na ji tsam dran yang rung / /dge ldan rigs kyi bu de ni/ /phyogs bcu rgyal ba rnams kyi sras/ /byang chub sems dpa'
271b2 rnams kyi bshes/ /rig pa'i lha mo rnams kyi yab/ /byis pa rnams kyi gnyen yin no/ /bdag cag rnams ni de yi 'bangs/ /skyes bu khyu mchog chen po ste/ /bsod nams rnams kyi gter ldan zhing / /de yi tshul khrims ral
271b3 ba med/ /mi de skye ba don yod de/ /lha gnas dag nas spu gseb tu/ /ye shes 'od zer bdud rtsi 'dzud/ /'jig rten 'di yi nad rigs dang / /gdon rigs ci snyed yod pa 'am/ /rig sngags byad ltems ma lus pas/ /de la
271b4 tshugs par mi 'gyur ro/ /cho ga bzhin du spyad pa yis/ /tshangs pa'i tshe tshad gnas nas kyang / /shi ba sems brgyal med par ni/ /gnas 'pho tshul gyis mtho ris 'jug /rgyal ba'i zhing du gshegs nas kyang / /rgyal ba
271b5 rnams la chos nyan cing / /rgyal sras rnams dang stobs gcig tu/ /stobs dang mi 'jigs pa brnyes te/ /mtshan dang dpe byad ldan gyur nas/ /skad cig glog 'gyu ci bzhin du/ /'gro ba ma lus dag byed cing / /zhing rnams ma
271b6 lus dag par byed/ /'phags pa spyan ras gzigs dbang phyug gi rtsa ba'i rgyud kyi rgyal po pad+ma dra ba zhes bya ba las lha byung ba'i le'u ste gnyis pa'o// // de nas lag na rdo rje 'dzin/ /bzhengs te thal sbyar thub
271b7 pa la/ /phyag 'tshal phyogs su 'khod nas ni/ /gsang ba bstod nas tshig 'di gsol/ /phyogs bcur bzhugs pa'i rgyal dbang po/ /mgon po spyan ras gzigs dbang kun/ /rang rang gnas nas gshegs nas byon/ /
271b8 'gro ba thugs brtse chen po yis/ /snying po byin brlabs ldan la gsol/ /rmad du byung ba'i snying po la/ /phyogs bcu'i rgyal ba sras bcas dang / /rig pa 'dzin rnams 'thun par dgyes/ /'on kyang 'gro rnams bzung ba
iiif viewer powered by OpenSeadragon
Texts on this page
J677 - 'phags pa spyan ras gzigs dbang phyug gi rtsa ba'i rgyud kyi rgyal po pad ma dra ba zhes bya ba