rKTs

e-texts navigator

Volume

Page

244a₁ se gol yang brdab par bya'o/ /de ltar byas nas byin ma thag tu phyogs bzhi'i yi dags gang gA'i klung bye ba khrag khrig gi bye ma snyed dag tshim par byas par 'gyur te/ yi dags re re la yang yul ma ga d+ha'i bre bo bdun bdun byin par
244a₂ 'gyur ro/ /de dag zos pa tsam gyis yi dags kyi 'jig rten nas shi 'phos nas lha rnams kyi nang du skye bar 'gyur ro/ /kun dga' bo khyod kyis dge slong dang / dge slong ma dang / dge bsnyen dang / dge bsnyen ma rnams la rtag tu rgyun mi 'chad par
244a₃ khor zug du bsnyad par bya'o/ /de ltar byas na bsod nams kyi phung po dang ldan par 'gyur te/ tshe yang ring bar 'gyur ro/ /de bzhin gshegs pa bye ba phrag 'bum gyi bsod nams kyi phung po dang ldan par 'gyur ro/ /rtag tu mi ma yin pa
244a₄ rgyu ba 'byung po dang / sha za la sogs pa dang / gnod sbyin dang / srin po dang / gdon dang / yi dags rnams kyis mi mthong bar 'gyur ro/ /stobs dang / brtson 'grus dang yang ldan par 'gyur ro/ /gzugs dang ldan pa dang / gzi brjid
244a₅ dang ldan pa dang / dran pa dang ldan par yang 'gyur ro/ /bram ze'i drang srong tshim par byed 'dod pa des ni mchod yon dang / dbul bar bya ba snod bkang ba la lan bdun bzlas brjod byas la 'bab chu ga la yod pa'i gnas der sbyin
244a₆ par bya'o/ /de ltar byas nas bram ze'i drang srong gang gA'i klung bye ba khrag khrig 'bum phrag du ma'i bye ma snyed dag lha'i bza' ba dang / btung ba rnams kyis tshim par byas par 'gyur ro/ /bram ze'i drang srong de dag kyang dbang po tshim
244a₇ par 'gyur te/ de dag thams cad kyis oM bde legs su gyur cig ces bya ba'i sgra 'byin par byed la/ sems can de dag kyang bsam pa yongs su dag par 'gyur te/ bram ze'i gzi brjid dang ldan par 'gyur ro/ /rtag tu tshangs par
244a₈ spyod par yang 'gyur ro/ /de bzhin gshegs pa gang gA'i klung bye ba khrag khrig 'bum gyi bye ma snyed dag gi dge ba'i rtsa ba dang ldan par yang 'gyur ro/ /rtag tu dgra thams cad bshig par 'gyur ro/ /me tog gam/ bdug pa 'am/ spos sam/

_{iiif viewer powered by OpenSeadragon}

243b - 244b

Texts on this page