| e-texts navigator |
| བོད་ཡིག |
243b1 bcom ldan 'das skyabs mdzad du gsol/ bde bar gshegs pa skyabs mdzad du gsol/ bdag ni gnangs srog 'gum par 'gyur lags so/ /bcom ldan 'das bdag gis yi dags mo kha 'bar ma mthong ste/ khyod gnangs
243b2 'chi bar 'gyur ro zhes mchi na/ bdag gis thabs ci mchis shes smras na/ de'i mchid nas gal te khyod kyis yi dags gang gA'i klung bye ba khrag khrig phrag 'bu~M gyi bye ma snyed dag tshim par byas te/ bram ze'i drang srong 'bu~M
243b3 yang tshim par byas na/ de lta na khyod kyi tshe phyir nur bar 'gyur ro zhes mchi na/ bcom ldan 'das de la ji ltar bsgrub par bgyi ba bka' stsal du gsol/ de nas bcom ldan 'das de bzhin gshegs pa shAkya thub pas tshe dang
243b4 ldan pa kun dga' bo la 'di skad ces bka' stsal to/ /kun dga' bo gang gis khyod yi dags rnams dang / bram ze'i drang srong rnams tshim par byed par 'gyur ba'i thabs yod kyis ma 'jigs shig /kun dga' bo tha~Md du
243b5 'od dang ldan pa rgyal chen shugs ldan 'od ces bya ba'i gzungs yod de/ des byin pa tsam gyis yi dags gang gA'i klung bye ba khrag khrig phrag 'bum gyi bye ma snyed dag tshim par byas par 'gyur te/ yi dags dang / bra~M ze'i drang srong
243b6 re re la zas dang skom yul ma ga d+ha'i bre bo bdun bdun byin par 'gyur ro/ /de ni nga sngon bram zer gyur pa na/ byang chub sems dpa' sems dpa' chen po 'jig rten dbang phyug dang / de bzhin gshegs pa 'jig rten dbang phyug 'od
243b7 las ngas bzung ste/ des yi dags dang bram ze'i drang srong grangs su bgrang ba mang ba dang / ches mang ba dag ngas zas dang skom gyis tshim par byas te/ de dag thams cad yi dags kyi 'jig rten nas/ shi 'phos nas lha'i 'jig rten du
243b8 skyes so/ /kun dga' bo khyod kyis zung la ngo lon gyis shig /na maHsarba ta thA ga tA a ba lo ki te/ oM sa~M b+hA ra sa~M b+hA ra hU~M/ kun dga' bo 'dis yi dags kyi gtor ma la lan bdun bzlas brjod byas nas lag pa brkyang te sgo drung du sbyin par bya'o/ /
iiif viewer powered by OpenSeadragon
Texts on this page
J671 - yi dwags mo kha 'bar ma dbugs dbyung ba'i gtor ma'i cho ga