rKTs

e-texts navigator

Volume

Page

156b₁ pa/ bde bar gshegs pa'i sras po/ srid pa gsum gyi rtsa lag gcig pu/ 'dod chags mi mnga' ba/ zhe sdang mi mnga' ba/ gti mug mi mnga' ba/ dri ma gsum spangs pa/ rig pa gsum gyi pha rol du gshegs
156b₂ pa/ mngon par shes pa drug brnyes pa/ shing n+ya gro d+ha ltar chu zhing gab pa/ skyes bu chen po'i mtshan sum bcu rtsa gnyis mnga' ba/ dpe byad bzang po brgyad bcus brgyan pa/ lpags pa srab cing mdog ser ba/ sku ring rgyu
156b₃ bzang zhing dkar ba/ sku shing gi me tog sar pa dang / dmar ring lta bu'i dbu thor tshugs mnga' ba/ lcang lo 'khyil ba mang pos dbu khebs pa/ 'od dpag med kyis 'od zer btang ba/ 'bar ba'i 'od 'dom gang gis
156b₄ gser gyi ri bo ltar snyan par grags pa/ gzi brjid rgya che ba/ gzugs 'char ka'i ri lta bu gtsug tor mnga' ba/ nor bu rab tu 'bar ba/ mchod phyir thogs sku la se ral du thogs pa/ sa rab tu rnam par 'byed
156b₅ pa/ pha rol du phyin pa bcu'i zhabs dang ldan pa/ tshul khrims ma nyams pa/ tshul khrims ma zhig pa/ seng ge ltar thong ka phel ka che ba/ sku 'jam zhing mdzes pa/ gzigs pa dang gshegs thabs khyu chog
156b₆ gi dpang po 'dra ba/ mkhur ba g.yas su 'khyil pa/ dpral ba che zhing zla ba kham pa 'dra la thig le mnga' ba/ phyag pus mo slebs pa/ smin ma bar ma chad pa/ shangs mtho ba/ mgur bum pa'i mgrin pa 'dra
156b₇ ba/ phyag sor mo dang tshigs ring ba/ sen mo 'jam zhing zangs kyi mdog dang 'dra ba/ phyag dra bas 'brel pa/ phyag dang zhabs kyi mthil 'khor los brgyan pa/ ston ka'i pad ma 'dra ba/ sku 'jam zhing rgyal
156b₈ pa/ tshangs pa ltar dbyangs zab pa/ yid tu mchi ba sdug pa/ blta na sdug pa/ nyams dga' bar bgyid pa/ 'od pad ma 'dra ba/ pad ma las 'khrungs pa/ pad ma las byung ba/ pad ma'i

_{iiif viewer powered by OpenSeadragon}

156a - 157a

Texts on this page