| e-texts navigator |
| བོད་ཡིག |
175b1 brgyad brgya bzlas te bum pa chus kang ba khyu mchog la gtor bar bya'o/ /de ni lce spyang gi nye bar 'tshe ba zhi bar 'gyur ro/ /de ltar byas te dus gsum du zhi ba'i bzlas pas sbyin sres zhag bdun du byas na zhi bar 'gyur ro/ /A+oM mA rI ts+yai swA hA/ lag pa gnyis
175b2 mnyam par byas la thal mo gnyis sbyar ba 'am/ rtse mo kha phye yang rung ste mthe bong gnyis bkug la/ gung mo la bsdigs mdzub gnyis 'khril ba'i tshul du sbyar ba'i rnam pas mtshan pa'o/ /skyil dkrung du 'dug ste lte ba'i phyog su gdug par bya'o/ /phyag rgya
175b3 'di ni mchog yin te/ /las rnams kun la sbyar bar bya/ /glang po che dang rta dang phyugs dang / ma he sha dang me dang mi mo dang / rgyal po dang byis pa rnam ni 'dis the tshom med par zhi bar 'gyur ro/ /de nas sbyin sreg gis thab khung gi mtshan nyid yin te zhi ba la
175b4 ni pad ma dkar po'i rnam pa sdong bu bcas pa zlum po yin no/ /dbus kyi pad ma la rdo rjes mtshan pa kha khyer zlum po la rdo rje'i phreng bas brgyan cing bskor ba'o/ /khru gang tsam brgos pa'i thab khung du pa la sha dang / n+ya gro d+ha'i yam shing byas la
175b5 dur ba nyag ma re'i sbyin sreg bya'o/ /tshe 'dod pa dang zhi bar 'dod pas mang sa be da'o zhes bya ba'i me lha thams cad dkar ba'i rang bzhin ni zhi ba la bsreg par bya'o/ /rgyas pa la ni gru bzhi pa kha khyer sor bzhi pa la rdo rje'i phreng bas brgyan
175b6 cing pad ma dang 'khor lo dang / rin po che yang dag par brgyan pa thab khung gi mtshamasu sna tshog rdo rjes mtshan pa la a rga dang / u dum bA ra'i yam shing gis ku mu ta dang ud pa la dang pad ma dkar po dang zho dang mar dang / sbrang rtsi
175b7 dang bsres pa'i rdzas kyi gser lta bu'i shing ser bas me lha legs par brgyan pa'i gnas par bsams la nye bar mkho ba thams cad ser po ni rgyas pa la dran par bya'o/ /yang dbang la ni gru gsum byang chub kyi shing gi 'dab ma lta bu'i thab khung
175b8 de'i dbusu yang pad ma byang chub kyi shing gi lo ma lta bu de'i steng du rdo rje rtse gsum pa/ kha khyer la rdo rje lcag kyu'i phreng bas rnam par rgyan pa/ byang chub kyi shing gis yam shing byas la til dang tshwa dang / ske tshe'i rdzas dang gos dmar po dang phreng ba dmar po
iiif viewer powered by OpenSeadragon
Texts on this page
J521(a) - sgyu ma'i 'od zer can 'byung ba'i rgyud las 'byung ba'i rtog pa'i rgyal po zhes bya ba