rKTs

e-texts navigator

Volume

Page

2a₁ par byed do/ /dran pa nyid dang thal ba la mngon par bzlas pas ser ba 'bab pa 'am kha ba 'bab pa gcod par 'gyur zhing gang du 'dod pa der 'gro'o/ /de bzhin du glog dang rlung dang rdo rje dang thog 'bab pa la sogs pa med par byed do/ /
2a₂ oM ga ru Da ha~M se/ tsa la tsa la swA hA/ sngags kyi rgyal po 'di dran pa nyid na ser ba 'bab pa zlog par byed do/ /rdo rgyus kyis rnga pa T+Ta ha la bris shing / rnga lcag la mngon par bzlas pa'i rnga pa T+Ta ha'i sgras/ ser ba 'bab pa bzlog par byed do/ /
2a₃ de bzhin du dung la sogs pa'i sgras kyang bya'o/ /oM he he/ tiSh+Tha tiSh+Tha/ ban d+ha/ ban d+ha/ d+hA ra ya d+hA ra ya/ ni run d+ha ni run+d+ha/ che ge mo U R+N+NA ma Ni swA hA/ gsang sngags kyi rgyal po 'di sngon du bsnyen pa'i tshogs 'bum phrag gcig
2a₄ yongs su bzlas na 'grub par 'gyur ro/ /glog dang rlung dang rdo rje dang thog 'bab pa'am kha ba la sogs pa dran pa tsam nyid kyis zlog par byed do/ /thal ba dang yungs kar mngon par bzlas na/ char ches pa gcod pa dang byi ba dang sbrang
2a₅ ma la sogs pa'i mchu 'ching bar byed do/ /skyed mos tshal dang zhing la bya dang 'bu srin dang byi ba rnams kyis nye bar 'tshe ba zlog par byed do/ /dur khrod kyi ras la ming dang bcas pa'i sngags bris la spra tshil gyis btums te/
2a₆ dur khrod kyi bum par bcug nas kha bcad de/ de nyid du sbas pas mngal rengs par 'gyur ro/ /phyung nas 'o ma dang chus bkrus te chu la bor bas zhi bar 'gyur ro/ /yung ba'am bab blas gro ba 'am gos sam lo ma la mngon par
2a₇ bris te/ spra tshil gyi nang du btums pa'i sngags 'di grog mkhar gyi sa las 'jigs byed kyi gzugs su byas pa de'i snying khar bcug ste de'i kha thal bas bkang nas sbas na/ rgol ba dang phyir rgol ba'i kha rengs par byed do/ /
2a₈ rtsod sbyongs byed pa na gzugs de nyid kyi lce la lan bdun mngon par bsngags pa'i tsher ma bdun gyis gtsugs na kha 'ching bar byed par 'gyur ro/ /rdo rgyus kyis kham por la bris te thal bas bkang la/ kha sbyar te sbas na mi

_{iiif viewer powered by OpenSeadragon}

1b - 2b

Texts on this page