| e-texts navigator |
| བོད་ཡིག |
28a1 de bzhin gshegs pa des sems can rnams kyi yongs su mya ngan las 'da' ba mthong bar gyur na shin tu mthong bar dka' ba'i 'du shes dang / mya ngan dang / sdug bsngal ba la sogs pa'i 'du shes bskyed nas sangs rgyas
28a2 bcom ldan 'das kyis gsungs pa'i mdo sde'i bstan pa dag myur du len pa dang / 'dzin pa dang / 'chang ba dang / klog pa dang / kha ton du 'don pa dang / kun chub par byas nas gzhan dag la yang dag par bstan pa dang /
28a3 skur ba 'debs par mi 'gyur bar mdzad par bzhed pa'i phyir de lta bas na de bzhin gshegs pas de lta bu'i sku tshe thung ba bstan pa yin no/ /de ci'i phyir zhe na/ sems can de dag gis gal te de bzhin gshegs pa yongs su
28a4 mya ngan las mi 'da' ba mthong bar gyur na gus pas rim gro yang mi byed/ shin tu phrad par dka' ba'i 'du shes kyang mi bskyed la de bzhin gshegs pas gsungs pa'i mdo sde zab mo dag kyang len pa dang 'dzin pa dang /
28a5 klog pa dang / kha ton du 'don pa dang / kun chub par byas nas gzhan dag la ston par yang mi byed pas so/ /de ci'i phyir zhe na/ 'di ltar rtag par sangs rgyas mthong bas gus par mi byed pa'i phyir ro/ /rigs
28a6 kyi bu 'di lta ste/ dper na mi zhig gis bdag gis pha la nor dang / rin po che mang zhing 'phel ba dag mthong bar gyur na/ nor rdzas dag la ngo mtshar dang / mthong bar dka' ba'i 'du shes skye bar mi 'gyur ro/ /
28a7 de ci'i phyir zhe na/ pha'i nor rdzas dag la rtag pa'i 'du shes skyed pa'i phyir ro/ /rigs kyi bu sems can mang po de dag kyang de bzhin du gal te de bzhin gshegs pa yongs su mya ngan las mi 'da' ba mthong bar gyur na ngo mtshar
28a8 dang mthong bar dka' ba'i 'du shes skye bar mi 'gyur ro/ /de ci'i phyir zhe na/ rtag par mthong ba'i phyir ro/ /rigs kyi bu 'di lta ste/ dper na mi zhig pha ma dbul zhing nor rdzas kyis phongs par gyur pa las mi dbul po
iiif viewer powered by OpenSeadragon
Texts on this page
J512 - 'phags pa gser 'od dam pa mchog tu rnam par rgyal ba'i mdo sde'i rgyal po theg pa chen po'i mdo