| e-texts navigator |
| བོད་ཡིག |
27b1 mthas gtugs rtag par rtsig bgrangs kyang / /bcom ldan 'das kyi sku tshe'i tshad/ /yongs su shes par mi 'gyur ro/ /sems can srog ni ma bcad cing / /bza' btung sbyin pa btang ba yin/ /rgyu ni rnam pa 'di gnyis kyis/ /
27b2 sku tshe ring po brnyes pa yin/ /de bas thub pa chen po yi/ /sku tshe'i tshad ni shes par dka'/ /bskal pa'i mtha' ni med pa ltar/ /sku tshe'i tshad kyang de bzhin no/ /mdzes pa'i tog khyod shes byos la/ /the tsom som nyi ma
27b3 bskyed cig / rgyal ba'i sku tshe'i tshad med pas/ /de yi grangs ni shes mi nus/ /de nas byang chub sems dpa' mdzes pa'i tog gis/ de bzhin gshegs pa bzhi po de dag gis
27b4 bcom ldan 'das shAkya thub pa'i sku tshe'i tshad dpag tu med par bka' stsal pa thos pa dang / bcom ldan 'das de dag la 'di skad ces gsol to/ /ci'i slad du de bzhin gshegs pa de lta bu'i sku tshe thung bar bstan par
27b5 mdzad lags/ de nas bcom ldan 'das bzhi po de dag gis byang chub sems dpa' mdzes pa'i tog la bka' stsal pa/ rigs kyi bu bcom ldan 'das shAkya thub pa de snyigs ma lnga'i dus 'jig rten du byung ba na mi
27b6 rnams tshe lo brgya par gyur cing rang bzhin dman pa dang / dge ba'i rtsa ba phra zhing chung ba dang / mos pa med par gyur pas sems can de dag las phal cher bdag tu lta ba dang / gang zag tu lta ba dang / sems can dang /
27b7 srog dang / gso ba po dang / log par lta ba dang / bdag dang / bdag gir blta ba dang / rtag pa dang chad par lta ba la sogs pa dang ldan pas sems can mang po de dag dang / mu stegs can mang po de dag la phan
27b8 gdags shing yang dag pa'i shes pa bskyed nas myur du bla na med pa'i byang chub yongs su rdzogs par bya ba'i phyir de lta bas na de bzhin gshegs pa shAkya thub pas de lta bu'i sku tshe thung ba bstan pa yin no/ /rigs kyi bu gzhan yang
iiif viewer powered by OpenSeadragon
Texts on this page
J512 - 'phags pa gser 'od dam pa mchog tu rnam par rgyal ba'i mdo sde'i rgyal po theg pa chen po'i mdo