| e-texts navigator |
| བོད་ཡིག |
26b1 'od zer chen po bkye bas rgyal po'i khab kyi grong khyer chen po dang / stong gsum gyi stong chen po'i 'jig rten gyi khams 'di dang / phyogs bcu'i sangs rgyas kyi zhing gang gA'i klung gi bye ma dang / mnyam pa snyed kyi bar du yang snang bas
26b2 kun tu khyab par mdzad de/ lha'i me tog gi char yang mngon par phab lha'i rol mo'i sil snyen rnams kyang dkrol bar gyur te/ de'i tshe 'dzam bu'i gling 'di dang stong gsum gyi stong chen po'i 'jig rten gyi khams 'di na/ sems can ji snyed
26b3 yod pa dag bcom ldan 'das kyi byin gyi brlabs kyis mthus bde ba mchog dam pa myong bar gyur pas phongs pa ci yang med par gyur to/ /lus kyi yan lag ma tshang ba dag ni tshang bar gyur/ long ba dag ni mthong bar gyur/ 'on pa rnams ni
26b4 thos par gyur/ lkugs pa dag ni smra bar gyur/ glen pa dag ni shes rab dang ldan par gyur/ sems 'khrugs pa dag ni sems nyid thob par gyur/ bgo ba med pa dag ni gos dang ldan par gyur/ rab tu smad cing bshungs pa dag ni
26b5 gzhan gyis bkur bar gyur/ dri ma dang bcas pa dag ni lus gtsang bar gyur te/ 'jig rten gyi khams 'dir phan 'dogs pa'i dngos po ngo mtshar rmad du che ba sngon ma byung ba rnams kyang mngon du byung bar gyur to/ /
26b6 de nas byang chub sems dpa' mdzes pa'i tog de bzhin gshegs pa bzhi dang / ngo mtshar rmad du byung ba'i dngos po de dag mthong bas dga' mgu rangs par gyur nas thal mo sbyar te/ sems rtse gcig tu de bzhin gshegs pa
26b7 rnams kyi mtshan khyad par du 'phags pa dag la rnam par bltas nas/ gzhan yang 'di snyam du de bzhin gshegs pa shAkya thub pa yon tan tshad med pa dang ldan yang / sku tshe'i tshad 'ba' zhig la the rtsom gyi
26b8 sems skyes par gyur nas/ ci'i phyir de bzhin gshegs pa yon tan tshad med pa mnga' yang sku tshe thung ste lo brgyad bcu kho na bzhugs par gyur snyam mo/ /de nas bcom ldan 'das bzhi po de dag gis byang chub sems
iiif viewer powered by OpenSeadragon
Texts on this page
J512 - 'phags pa gser 'od dam pa mchog tu rnam par rgyal ba'i mdo sde'i rgyal po theg pa chen po'i mdo