| e-texts navigator |
| བོད་ཡིག |
10b1 ma sgrol ma'i snying po 'dis las thams cad byed par 'gyur ro/ /oM pra kr-i ti pa ri shud d+haH/ sarba d+harmAHpra kr-i t+yA/ pa ri shud d+ho ha~M/ sa bA h+yA b+h+yan ta ra na ma na i ti/ zhes bya bas phyi dang nang du rgyu ba dang mi rgyu ba dang bcas pa'i sna
10b2 tshogs pa dang bdag nyid rang bzhin gyis yongs su dag par bsam la/ pad ma dkar po khru bdun pa'i tshad dang de'i steng du zla ba'i dkyil 'khor/ de'i steng du phyag gnyis pa pad ma dang mchog sbyin gyis rnam par mdzes pa/
10b3 bcom ldan 'das ma thugs rje chen po'i rang bzhin gyi sku can/ gcig tu gzhan la phan 'dogs pas bzhugs pa/ sgrub pa po rnams la mngon par 'dod pa'i dngos grub stsol ba la dgyes pa/ ston ka'i zla ba ltar dkar ba tsan dan
10b4 dkar po'i 'de gus byug shing me tog gis mdzes par brgyan pa/ na bza' dkar po dang mu tig gis phreng bas thugs ka mdzes par byas pa/ sku rin po che sna tshogs kyis brgyan pa'i sku las yongs su spros pa'i 'od zer stong gis mtha'
10b5 yas shing dpag tu med pa'i 'jig rten gyi khams snang bar byed pa/ lo bcu gnyis kyi na tshod du 'khrungs pa'i sku can/ ngag gi dbang phyug ma chen mor bdag nyid rnam par bsam mo/ /mdun du shes rab ma dang g.yas su yid
10b6 gzhungs ma dang rgyab du blo ma dang g.yon du dran pa ma gong du smos pa'i yon tan thams cad kyis mdzes par lha mo rnam par bsam par bya'o/ /de'i 'og tu lte ba'i phyogs su zla ba'i dkyil 'khor gyi dbus su yi ge oM mdog
10b7 dkar po rnam par bsams la de las byung ba'i ngag gi dbang phyug gi rang bzhin ma lus pa'i phreng ba rgyun mi 'chad pa'i 'byung bar rnam par bsam zhing / gcig pu der phyogs pa'i yid can gyi sngags pas nges par bdag nyid kyi rang
10b8 gi lte ba'i dbus na gnas pa mi smra bas bzlas pa byas na/ zla ba gcig gis dbyangs can gyi ngag rab tu 'thob par 'gyur zhing zla ba gsum gyis tshangs pa gsod pa yang 'grub par 'gyur ro/ /zla ba drug gi dbyangs can dang
iiif viewer powered by OpenSeadragon
Texts on this page
J501 - dpa' bo gcig bu grub pa zhes bya ba'i rgyud kyi rgyal po chen po