rKTs

e-texts navigator

Volume

Page

7b₁ sre mo dang / sha sbrang dang / sbrang bu dang / bye ba dang / sbrang ma mchu gsum pa dang / mchu rings dang / rta bla'i 'jigs pa'ang mi 'byung bar 'gyur/ sbrul gdug pas kyang mi tshugs par 'gyur ro/ /phyogs der yams kyi nad dang / nad 'go ba
7b₂ dang / 'khrug pa'ang mi 'byung bar 'gyur/ gnod sbyin dang / srin po dang / 'byung po dang / yi dags dang / 'dre dang / brjed byed kyi 'jigs pa yang mi 'byung bar 'gyur/ gdon thams cad kyis kyang mi tshugs par 'gyur/ rims thams cad kyis
7b₃ kyang mi tshugs par 'gyur/ nad thams cad dang / 'bras dang / phol mig dang / lhog pa dang / mtshan bar rdol ba dang / rkang shu dang / g.yan pa dang / mdzes kyang mi tshugs par 'gyur zhing mchod rten de mthong ba tsam gyis thams cad 'byang bar 'gyur ro/ /phyogs
7b₄ der ba lang gi nad dang / phyugs nad dang / dud 'gro'i skye gnas rnam pa mang po gzhan dag gi nad dang / skyes pa dang / bud med dang / khye'u dang / bu mo'i nad kyis kyang nam yang tshugs par mi 'gyur ro/ /dus ma yin par 'chi bas kyang dus ma yin
7b₅ par 'chi bar mi 'gyur/ dug gis ma yin/ mtshon gyis ma yin zhing me dang / chus kyang nam yang mi tshugs par 'gyur/ pha rol gyi dmag tshogs kyi 'jigs pas ma yin/ lo nyes kyi 'jigs pas kyang nam yang mi
7b₆ tshugs par 'gyur/ rgyal po chen po'i dmag gis 'jigs pa yang mi 'byung bar 'gyur ro/ /rgyal po chen po bzhi'ang rtag tu rgyun mi chad par srung bar 'gyur ro/ /sa phyogs der srung bar byed/ yongs su skyong bar byed do/ /
7b₇ gnod sbyin gyi sde dpon chen po nyi shu rtsa brgyad po de dag kyang rtag tu rgyun mi chad par srung ba dang / skyob pa dang / sbed pa byed par 'gyur ro/ /rgyu skar nyi shu rtsa brgyad dang / zla ba dang / nyi ma dang / mjug rings chen
7b₈ po'ang nyin mtshan mthun par byed par 'gyur ro/ /klu'i rgyal po thams cad kyang rtag tu rgyun mi 'chad par mdangs mi 'phrog cing legs pa kho nar char gyi rgyun 'bebs par 'gyur ro/ /lha thams cad kyang mchod rten chen po de la phyag 'tshal ba dang /

_{iiif viewer powered by OpenSeadragon}

7a - 8a

Texts on this page