| e-texts navigator |
| བོད་ཡིག |
42a1 bkra shis la/ /rdul med brgyan te zhi bar byed/ /dge zhing mya ngan thams cad sel/ /sdug bsngal thams cad nges par 'joms/ /dbang byed gsang sngags dam pa ste/ /sa stengs sdig pa thams cad sel/ /
42a2 ma smad 'bras bu nges par sbyin/ /bstan pa yin te sdang ba 'dul/ /nyes pa byas pa sel ba yin/ /gzungs 'di gang gis thos gyur des/ /sangs rgyas rnyed par dka' ba yang / /ring por mi thogs thob par 'gyur/ /sgrib pa
42a3 thams cad rab zhi zhing / /khyab bdag nyon mongs kun sel ba/ /gang zhig nyon mongs zhi byed pa'i/ /gzungs 'di 'chang bar byed pa yis/ /kun tu bzang po nyid dang ni/ /lag na rdo rje nyid kyang 'thob/ /rig sngags 'chang gi bdag po
42a4 yang / /'di thos pas ni thob par 'gyur/ /'jig rten kun na lham me ba/ /bcom ldan rnam par snang mdzad kyang / /dkyil 'khor dam pa gting med pa/ /'di ni ji srid ma gsan par/ /rab zhi nyon mongs 'dul ba yi/ /
42a5 rang byung go 'phang ma brnyes te/ /rnam par dag phyir gsan gyur nas/ /gsan ma thag tu rnam par dag /de phyir phun sum tshogs pa dang / /legs par 'dod pas brjod par bya/ /gzhan gyis mi thub gzungs gsan
42a6 nas/ /thub pa kun gyis gang brnyes pa/ /'khor ba 'dir ni nam du yang / /bdud kyi las dang 'khrug med dang / /mya ngan med cing 'thab med pa/ /gzungs la gnas pas thob par 'gyur/ gnas kyi dam pa thob nas kyang / /
42a7 thub pa dri ma med pa'i blo/ /gzigs pa bzang rnams gar gshegs pa'i/ /bzang 'gro der ni 'gro bar 'gyur/ /legs pa 'dod pa rnams kyis ni/ /tshig gi mdo 'di mnyan par gyis/ /nyon mongs zad par bya ba la/ /rgyal ba'i
42a8 gsungs pa'i gzungs 'di mchog / sdig pa byed cing dge la sdang / /sdig pa'i rang bzhin rab 'jungs pa/ /gang gis thos nas de spang ba/ /nga yis mngon sum 'byor bar 'gyur/ /sdig pa gzhan yang mi bya zhing / /snga ma rnams kyang bshags par bya/ /
iiif viewer powered by OpenSeadragon
Texts on this page
J499 - sangs rgyas bcom ldan 'das kyi mtshan brgya rtsa brgyad pa gzungs sngags dang bcas pa