| e-texts navigator |
| བོད་ཡིག |
40a1 stong pa nyid gzugs so/ /gzugs las stong pa nyid gzhan ma yin/ stong pa nyid las kyang gzugs gzhan ma yin no/ /de bzhin du tshor ba dang / 'du shes dang / 'du byed dang / rnam par shes pa
40a2 rnams stong pa'o/ /shA ri'i bu de lta bas na chos thams cad stong pa nyid de/ mtshan nyid med pa/ ma skyes pa/ ma 'gags pa/ dri ma med pa/ dri ma dang bral ba med pa/ bri ba med pa/ gang ba med pa'o/ /shA ri'i bu de lta
40a3 bas na stong pa nyid la gzugs med/ tshor ba med/ 'du shes med/ 'du byed rnams med/ rnam par shes pa med/ mig med/ rna ba med/ sna med/ lce med/ lus med/ yid med/ gzugs med/ sgra med/ dri med/
40a4 ro med/ reg bya med/ chos med do/ /mig gi khams med pa nas yid kyi khams med/ yid kyi rnam par shes pa'i khams kyi bar du yang med do/ /ma rig pa med/ ma rig pa zad pa med pa nas rga shi med/ rga shi zad
40a5 pa'i bar du yang med do/ /sdug bsngal ba dang / kun 'byung ba dang / 'gog pa dang / lam med/ ye shes med/ thob pa med/ ma thob pa yang med do/ /shA ri'i bu de lta bas na byang chub sems dpa' rnams
40a6 thob pa med pa'i phyir/ shes rab kyi pha rol tu phyin pa la brten cing gnas te/ sems la sgrib pa med pas skrag pa med de/ phyin ci log las shin tu 'das nas mya ngan las 'das pa'i mthar phyin to/ /dus gsum
40a7 du rnam par bzhugs pa'i sangs rgyas thams cad kyang shes rab kyi pha rol tu phyin pa la brten nas/ bla na med pa yang dag par rdzogs pa'i byang chub tu mngon par rdzogs par sangs rgyas so/ /de lta bas na shes
40a8 rab kyi pha rol tu phyin pa'i sngags/ rig pa chen po'i sngags/ bla na med pa'i sngags/ mi mnyam pa dang mnyam pa'i sngags/ sdug bsngal thams cad rab tu zhi bar byed pa'i sngags/ mi brdzun pas na
iiif viewer powered by OpenSeadragon
Texts on this page
J498 - bcom ldan 'das ma shes rab kyi pha rol tu phyin pa'i snying po