| e-texts navigator |
| བོད་ཡིག |
36b1 thams cad bde bar 'gyur bar bya ba'i phyir/ nga ri'i rgyal po ri rab la song ste/ lha dang / dri za rnams la rjes su bstan pa dang mthun par sbyar bar bya ba'i phyir nan tan bya'o/ /de skad ces smras nas/ 'jam dpal gzhon nur gyur pa de nyid
36b2 du mi snang bar gyur to/ /dge slong tshe brjod kyis kyang / 'jam dpal gzhon nur gyur pas smras pa la mngon par bstod de bzung nas song ngo / /'phags pa khyad par can zhes bya ba'i gzungs rdzogs s+ho// //
36b3 rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban+de ye shes sdes bsgyur cing zhus te skad gsar chad kyis kyang bcos nas gtan la phab pa/ / @#/ /rgya gar skad du/ Ar+ya
36b4 aSh+Ta maN+Da la ka nA ma ma hA yA na sU tra/ bod skad du/ 'phags pa dkyil 'khor brgyad pa zhes bya ba theg pa chen po'i mdo/ sangs rgyas dang / byang chub sems dpa' thams cad la phyag 'tshal lo/ /'di skad bdag
36b5 gis thos pa dus gcig na/ bcom ldan 'das ri gru 'dzin na/ 'phags pa spyan ras gzigs dbang phyug gi gnas na/ byang chub sems dpa' bye ba khrag khrig 'bum phrag du ma dang thabs cig tu
36b6 bzhugs te/ de nas byang chub sems dpa' sems dpa' chen po rin chen snying po zla ba snang ba zhes bya ba byang chub sems dpa'i 'khor de nyid du 'dus par gyur nas 'dug pa de stan las langs nas chos gos
36b7 phrag pa gcig tu gzar te/ pus mo g.yas pa'i lha nga la sa la btsugs nas/ bac+do~Ms ga la ba de logs su thal mo sbyar ba btud de/ bac+do~Ms la 'di skad ces gsol to/ /gal te zhus nas zhu ba lung bstan
36b8 pa'i slad du bcom ldan 'das kyis bdag la skabs phye na bac+do~Ms de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o/ /de skad ces gsol pa dang /
iiif viewer powered by OpenSeadragon
Texts on this page
J495 - 'phags pa khyad par can zhes bya ba'i gzungs
J496 - 'phags pa dkyil 'khor brgyad pa zhes bya ba theg pa chen po'i mdo