rKTs

e-texts navigator

Volume

Page

286a₁ 'das kyis kyang zhus pa/ bcom ldan 'das khyod kyis chos kyi 'khor lo legs par bskor lags sam/ khyod kyis bdud dpung dang bzhon par bcas pa bcom pa lags sam/ khyod kyis chos kyi sgron ma sbar lags
286a₂ sam/ chos kyi rgyal mtshan bsgreng lags sam/ chos kyi rnga brdungs lags sam/ chos kyi dung rab tu bus lags sam/ bcom ldan 'das khyod kyis 'jig rten du sangs rgyas 'byung ba bla na med pa'i thams cad mkhyen
286a₃ pa mkhyen par bgyis lags sam/ bcom ldan 'das khyod kyis deng 'dzam bu'i gling du chos kyi 'khor lo chos kyi gter lan gnyis lan gsum du bskor ba mdzod cig /bcom ldan 'das kyis tshig 'di gsungs ma thag tu/
286a₄ sangs rgyas kyi zhing 'jig rten gyi khams de thams cad rnam pa drug tu g.yos/ rab tu g.yos/ kun du rab tu g.yos/ 'gul/ rab tu 'gul/ kun du rab tu 'gul/ ldeg /rab tu ldeg /kun tu rab tu ldeg /'ur 'ur/ rab tu 'ur 'ur/
286a₅ kun du rab tu 'ur 'ur/ chem chem/ rab tu chem chem/ kun tu rab tu chem chem ste/ me tog gi char chen po yang rab tu 'bab/ rdzu 'phrul gyi cho 'phrul chen po yang snang / sil snyan rnams kyang ma dkrol bar sgra 'byin/ steng gi nam mkha'i
286a₆ bar snang gi lha'i bu rnams kyang lha'i sil snyan shin tu yid du 'ong ba/ yan lag lnga pa dag dkrol bar byed/ klu chen po gang dag yin pa de dag kyang rin po che sna tshogs kyi char 'bebs par byed/ dri'i phye ma sna tshogs dang / tsan dan gyi chu sna tshogs kyi
286a₇ char yang 'bebs par byed/ gos sna tshogs dang / rgyan dang / lhab lhub sna tshogs kyi char yang rab tu 'bebs par byed/ lha'i mu tig dmar po dang / spug dang / nor bu rin po che chen po rnam par snang byed dang /
286a₈ nor bu rin po che chen po nyi ma'i snying po dang / chu shel dang / me shel dang / dpal gyi snying po'i char yang rab tu 'bebs par byed/ lha'i me tog ud pa la dang / pad ma dang / ku mu da dang / pad ma dkar po dang / man dA ra ba dang / man dA ra ba

_{iiif viewer powered by OpenSeadragon}

285'b - 286b

Texts on this page