rKTs

e-texts navigator

Volume

Page

285a₁ kyang bcad par gyur to/ /mtho ris kyi sgo rnams phye'o/ /bde 'gro'i sgo rnams thams cad kyang phye ste/ 'jig rten gyi khams de'i sems can gang yin pa de dag thams cad bla na med pa yang dag par rdzogs pa'i byang chub la yang dag par zhugs
285a₂ so/ /'jig rten gyi khams de na sems can thams cad byams pa'i sems kyis gnas te/ 'di lta ste/ chu dang 'o ma gcig tu gyur pa bzhin no/ /de bzhin gshegs pa des kyang sngon byang chub sems dpar gyur pa na nor bu chen po rgyas pa'i gzhal med khang
285a₃ shin tu rab tu gnas pa'i gsang ba 'di sgrub pa na smon lam 'di skad ces/ bdag gi sangs rgyas kyi zhing du skye bar gyur pa'i sems can gang yin pa de dag thams cad nges par bla na med pa yang dag par rdzogs pa'i byang chub las phyir mi ldog par gyur cig
285a₄ ces smon lam btab ste/ gang dag gzungs 'di nyan pa dang / 'chang ba dang / klog pa dang / kun chub par byed pa dang / sgom pa dang / 'don pa dang / sems pa dang / sgrub par byed pa dang / chung ngu na ming nyan par byed dam/ lag pas reg gam/
285a₅ lus la 'chang ngam/ mig gis mthong ba tsam mam/ glegs bam la bris pa 'am/ ras la bris pa 'am/ rtsig pa la bris pa mthong na mtshams med pa lnga byas pa 'am/ mnar med par gzhol ba 'am/ dam pa'i chos
285a₆ spangs pa 'am/ 'phags pa la skur pa btab pa 'am/ shan pa 'am/ gdol pa 'am/ rngon pa 'am/ bya ba 'am/ long ba 'am/ 'on pa 'am/ sha bkra can nam/ bkren pa 'am/ zhar ba 'am/ sgur
285a₇ po 'am/ dman pa 'am/ sngon gyi las kyis 'phangs pa'i sgrib pa can nam/ myong bar gyur par ma nges pa 'am/ bdud kyi zhags pas bcings pa 'am/ lta ba ngan par lhung ba 'am/ log 'dren gyis zin pa 'am/ rgyu
285a₈ skar dang / gza'i gnod par byas pa de dag thams cad nges par bla na med pa yang dag par rdzogs pa'i byang chub las phyir mi ldog par 'gyur ro/ /chung ngu na dud 'gro'i skye gnas pa ri dgas dang / bya dang / sbrangs bu mchu rings dang / sha sbrang dang /

_{iiif viewer powered by OpenSeadragon}

284'b - 285b

Texts on this page