| e-texts navigator |
| བོད་ཡིག |
284a1 de nas pad ma de las nor bu rdo rje mchog ldan zhes bya ba'i gzungs kyis bskul ba'i sgra 'di byung ngo / /phyogs bcu na bzhugs pa'i de bzhin gshegs pa gang lags pa thams cad la phyag 'tshal lo/ /oM
284a2 ma Ni badzra hr-i da ya/ badzra mA ra se n+ya bi dra ba Ni/ ha na ha na/ badzra gar+b+he/ trA sa ya trA sa ya/ sarba mA ra b+hu ba na ni hU~M hU~M/ sa~M d+ha ra sa~M d+ha ra/ bud+d+ha/ mai tri sarba ta thA ga ta badzra kalpa a d+hiSh+Thi te swA hA/ pad ma de las
284a3 yang legs so zhes bya ba'i sgra grag ste/ des stong gsum gyi stong chen po'i 'jig rten gyi khams 'di sgras bkang nas/ shAkya thub pa srid pa'i dgon pa las ni rgal/ bdud ni bcom/ nyon mongs pa'i rdul ni spangs/
284a4 ma rig pa'i sgo nga'i sbubs ni dral/ chos kyi sgron ma chen po ni sbar te/ gang gi phyir gzungs 'di'i mthus sa rdo rjer byin gyis brlabs nas bdud ni bcom pa legs so legs so/ /de nas gsang ba pa'i bdag po lag
284a5 na rdo rje spu zing zhes byed cing lus 'dar nas/ bcom ldan 'das kyi zhabs gnyis la gtugs te/ bcom ldan 'das la 'di skad ces gsol to/ /bcom ldan 'das ci'i slad du/ rig sngags chen mo 'di
284a6 'dus pa dang po la 'dzam bu'i gling du byung ba lags/ bcom ldan 'das rig sngags 'di 'jig rten du sngon byung bar ma thos lags so/ /de nas bcom ldan 'das kyis gsang ba pa'i bdag po lag na rdo rje la
284a7 bka' stsal pa/ lag na rdo rje nor bu chen po rgyas pa'i gzhal med khang shin tu rab tu gnas pa gsang ba zhes bya ba'i gzungs yod de/ de'i mthus stong gsum gyi stong chen po'i 'jig rten gyi khams 'di rdo rje'i rang
284a8 bzhin du gyur nas/ mtshon cha'i char 'bab pa 'di yang me tog sna tshogs su gyur te 'bab po/ /gzungs 'di'i mthus bdud kyi 'khor bcom nas srog chags bye ba btul to/ /'di'i mthus sum mdo'i dbus su
iiif viewer powered by OpenSeadragon
Texts on this page
J478 - 'phags pa nor bu chen po rgyas pa'i gzhal med khang shin tu rab tu gnas pa gsang ba dam pa'i gsang ba'i cho ga zhib mo'i rgyal po zhes bya ba'i gzungs