| e-texts navigator |
| བོད་ཡིག |
283b1 shI len+t+ra bo d+hi dang / zhu chen gyi lo ts+tsha ban+de ye shes sdes bsgyur cing zhus te gtan la phab pa'o/ /slad kyis rgya gar gyi mkhan po dI pa~M ka ra shrI dz+nyA na dang / dge slong tshul khrims rgyal bas tho ling gser khang du/ skad
283b2 gsar chad kyis kyang gtan la phab pa'o/ / @#/ /rgya gar skad du/ Ar+ya ma hA ma Ni bi pu la bi mA na/ su pra tiSh+Thi su h+ya~M pa ra ma ra ha s+yan kalpa/ rA dzA nA ma d+hA ra NI/ bod skad du/
283b3 'phags pa nor bu chen po rgyas pa'i gzhal med khang shin tu rab du gnas pa gsang ba dam pa'i gsang ba'i cho ga zhib mo'i rgyal po zhes bya ba'i gzungs/ bam po dang po/ sangs rgyas dang / byang chub sems dpa'
283b4 thams cad la phyag 'tshal lo/ /de nas bcom ldan 'das kyis rgyal po'i khab kyi grong khyer chen por 'dus pa dang po la bdud bye ba pham par mdzad/ dpyod pa pa dang / kun tu rgyu dang / gcer bu pa thams cad
283b5 dang / mu stegs can gzhan rnams kyang btul nas pham par mdzad de/ 'khor ba'i skyon 'khor ba'i chu bo'i pha rol du gshegs so/ /gang gi tshe bdud kyi sde bye ba khrag khrig brgya stong phrag du ma g.yog
283b6 bdud kyi sde phrag dkrigs pa can dag gis 'dzam bu'i gling bkang ba de'i tshe/ bcom ldan 'das kyis sa rdo rjer byin gyis brlabs nas sems can de dag gis 'jigs shing 'jigs su rung ba'i sgra yang ma thos shing
283b7 mtshon cha'i char de dag thams cad kyang me tog sna tshogs su bab par gyur to/ /rgyal po'i khab kyi grong khyer gyi sum mdo'i dbus de'i sa de yang rdol nas rin po che sna bdun gyi pad ma 'dab ma stong pa/ sdong bu ni bai dUr+ya/
283b8 snying po ni 'dzam bu chu bo'i gser/ ze ba ni rdo'i snying po/ srid ni tshangs pa'i 'jig rten gyi bar la thug pa 'od dang ldan pa zhig byung ste/ pad ma de byung nas phyogs bcu thams cad du snang bar byas so/ /
iiif viewer powered by OpenSeadragon
Texts on this page
J477 - 'phags pa de bzhin gshegs pa'i ting nge 'dzin gyi stobs bskyed pa bai DUrya'i 'od ces bya ba'i gzungs
J478 - 'phags pa nor bu chen po rgyas pa'i gzhal med khang shin tu rab tu gnas pa gsang ba dam pa'i gsang ba'i cho ga zhib mo'i rgyal po zhes bya ba'i gzungs