| e-texts navigator |
| བོད་ཡིག |
280a1 dpon chen po g.yo ba 'dzin dang / gnod sbyin gyi sde dpon chen po rdzogs byed de/ gnod sbyin gyi sde dpon chen po bcu gnyis po de dag go/ gnod sbyin gyi sde dpon chen po re re la yang g.yog gnod sbyin
280a2 bdun 'bum bdun 'bum yod pa ste/ de dag gis tshig gcig tu bcom ldan 'das la 'di skad ces gsol to/ /sangs rgyas kyi mthus bdag cag gis bcom ldan 'das de bzhin gshegs pa sman gyi bla bai dUr+ya'i 'od de'i mtshan thos
280a3 te/ bdag cag la yang ngan 'gror mchi ba'i 'jigs pa 'byung bar mi 'gyur ro/ /des na bdag cag lhan cig tu mthun par ji srid 'tsho'i bar du sangs rgyas la skyabs su mchi'o/ /chos la skyabs su mchi'o/ /dge 'dun la skyabs
280a4 su mchi'o/ /sems can thams cad kyi don dang sman pa dang bde ba'i slad du spro bar bgyi'o/ /bye brag tu ni grong ngam/ grong khyer ram/ grong rdal lam/ dgon pa'i gnas gang na mdo sde 'di spyod pa dang / gang bcom ldan 'das de bzhin
280a5 gshegs pa sman gyi bla bai dUr+ya'i 'od de'i mtshan 'chang ba dang / mchod pa dang / rim gro bgyid pa'i sems can de dag la bdag cag gis srung bar bgyi/ yongs su bskyang bar bgyi/ gnod pa thams cad las yongs su thar bar
280a6 bgyi/ bsam pa thams cad yongs su rdzogs par bgyi'o/ /de nas bcom ldan 'das kyis gnod sbyin gyi sde dpon chen po de dag la legs so zhes bya ba byin te/ gnod sbyin gyi sde dpon chen po dag gang gi phyir khyed
280a7 bcom ldan 'das de bzhin gshegs pa sman gyi bla bai dUr+ya'i 'od de la byas pa gzo zhing rjes su dran la/ sems can thams cad la phan pa'i phyir zhugs pa legs so legs so/ /de nas tshe dang ldan pa kun dga' bo stan
280a8 las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di
iiif viewer powered by OpenSeadragon
Texts on this page
J476 - 'phags pa bcom ldan 'das sman gyi bla bai DUrya'i 'od kyi sngon gyi smon lam gyi khyad par rgyas pa zhes bya ba theg pa chen po'i mdo