rKTs

e-texts navigator

Volume

Page

277b₁ brjod par khyod dad dam yid ches sam/ yang na khyod sangs rgyas kyi spyod yul zab mo 'di la yid gnyis sam/ som nyi 'am/ the tshom za ba med dam/ de skad ces bka' stsal pa dang / de nas bcom ldan 'das la tshe dang
277b₂ ldan pa kun dga' bos 'di skad ces gsol to/ /btsun pa bcom ldan 'das bdag de bzhin gshegs pas gsungs pa'i chos rnams la yid gnyis sam/ som nyi 'am/ the tsom 'tshal ba ma mchis so/ /de ci'i
277b₃ slad du zhe na/ de bzhin gshegs pa rnams la sku dang / gsung dang / thugs kyi kun tu spyod pa yongs su ma dag pa mi mnga' ba'i slad du'o/ /bcom ldan 'das gdugs dang dgung zla 'di ltar rdzu 'phrul che zhing 'di ltar mthu che
277b₄ ba 'di gnyis ni dog sa la ltung yang gda'/ ri'i rgyal po ri rab ni gnas nas 'pho yang gda'i/ sangs rgyas rnams kyi bka' ni gzhan du mi 'gyur lags so/ /btsun pa bcom ldan 'das de lta lags kyis kyang
277b₅ sems can dad pa'i dbang po dang bral ba dag mchis te/ sangs rgyas rnams kyi sangs rgyas kyi spyod yul 'di thos nas de dag 'di snyam du sems par 'gyur te/ de bzhin gshegs pa de'i mtshan ni dran pa tsam gyis ji ltar
277b₆ shin tu yon tan dang / phan yon du 'gyur snyam nas de dag mi dad cing yid mi ches te spong bas yun ring por gtogs dang / mi sman pa dang / mi bde ba dang / log par ltung bar 'gyur ro/ /bcom ldan 'das kyis bka' stsal
277b₇ pa/ kun dga' bo de bzhin gshegs pa de'i mtshan su'i rna lam du grag par gyur pa de ngan 'gro ngan song du 'gro bar 'gyur ba ni gnas med de go skabs ma yin no/ /kun dga' bo sangs rgyas rnams kyi sangs rgyas kyi spyod yul
277b₈ ni yid ches par dka' ba'o/ /kun dga' bo khyod dad cing yid ches pa gang yin pa de ni de bzhin gshegs pa'i mthu yin par blta'o/ /byang chub sems dpa' sems dpa' chen po skye ba gcig gis thogs pa rnams ma gtogs

_{iiif viewer powered by OpenSeadragon}

277a - 278a

Texts on this page