| e-texts navigator |
| བོད་ཡིག |
170a1 @#/ /rgya gar skad du/ Ar+ya badzra pA Ni nI lA~M ba ra d+ha ra tri lo ka bi na ya nA ma tan+t+ra/ bod skad du/ 'phags pa lag na rdo rje gos sngon po can zhes bya ba 'jig rten gsum 'dul ba'i rgyud/
170a2 dkon mchog gsum la phyag 'tshal lo/ /'di skad bdag gis thos pa dus gcig na bcom ldan 'das ri rab kyi byang phyogs lcang lo can gyi pho brang na bzhugs te/ brjod kyis mi lang ba'i lha dang mi dang lha ma
170a3 yin la sogs pa'i 'jig rten pa dang / byang chub sems dpa' lag na rdo rje la sogs pa la bka' stsal pa/ rigs kyi bu rnams ma 'jigs shig /ma skrag shig /ma dngang zhig ces gsungs so/ /
170a4 de nas bcom ldan 'das 'jig rten gsum 'dul ba zhes bya ba'i ting nge 'dzin la snyoms par zhugs nas/ thugs ka'i dpal gyi be'u la 'od zer kha dog gsum las grub pa 'od zer kha dog gsum pa'i 'od zer bye ba
170a5 khrag khrig brgya stong du ma 'jig rten gsum du bkye ste/ thams cad bkug nas slar yang 'od kyis snang bar byas nas/ oM badzra tsaN+Da pa tsa du sh+TAn+ta ka ha na da ha pa tsa hU~M phaT/ nA ga bi dA ra NA ya phaT/ tir+ya
170a6 g+bi dA ra NA ya phaT/ pre ta bi dA ra NA ya phaT/ na ra bi dA ra NA ya phaT/ na ra ka nA bi dA ra NA ya phaT/ de ba bi dA ra NA ya phaT ces gsungs pas/ 'jig rten gsum po thams cad kyi lus gas nas sems shel
170a7 sgong lta bur gnas par gyur to/ /sems yi ge gsum lta bur gnas te oM ni zhal gsum phyag drug ste/ /AHni zhal gcig phyag gnyis te/ /hU~M ni rgyan dang bral gyur pa/ /rigs ni
170a8 gsum du gyur pa yin zhes gsungs so/ /de nas rigs gsum du gyur pas ched du brjod pa 'di ched du brjod do/ /e ma'o shin tu rnyed dka' ba/ /zhe sdang chen po'i bdag nyid can/ /phyag na rdo rje rnyed dka' ba/ /
iiif viewer powered by OpenSeadragon
Texts on this page
J473 - 'phags pa lag na rdo rje gos sngon po can zhes bya ba 'jig rten gsum 'dul ba'i rgyud