rKTs

e-texts navigator

Volume

Page

163a₁ pas tshig thogs pa med par 'gyur ro/ /pri yang ku'i me tog kha ma bye ba khri sbyin bsreg byas na/ nyin gcig bzhin kar sha pa Ni lnga lnga rnyed par 'gyur ro/ /ci ste thams cad gnyid kyis log par byed 'dod na grong khyer
163a₂ gyi bdag po'i lha'i gzugs ri mor bris pa bris la/ ske tshe'i sbyin sreg byas la de'i thal ba thogs la gro khyer du song ste gtor na de dag thams cad gnyid kyis log cing 'dug par 'gyur te ci 'dod pa byed do/ /grong khyer la ji
163a₃ lta ba bzhin du yul la yang de bzhin du bya'o/ /mtshe'u skams par 'dod pas ske tshe'i sreg blugs rang gi khrag dang sbags pa khri sbyin sreg byas la de'i thal ba blangs te/ mtshe'u der gtor na mtshe'u skams par 'gyur te/ de na gnas pa'i klu rnams kyis ci 'dod pa bzhin du rin
163a₄ po che rnams 'bul lo/ /a ba mar ga'i yam sreg shing 'bum sbyin sreg byas na lha mo dpal mthong bar 'gyur te/ sa tsa rA dz+ya ma pra yats+tsha ti/ bil ba'i 'bras bu stong rtsa brgyad sbyin sreg byas na rgyal po chen po'i mdun na 'don du
163a₅ 'gyur ro/ /mya ngan 'tshang gi yam sreg shing 'bum sbyin sreg byas na rkang bzhi pa thams cad dbang du 'gyur ro/ /sna ma'i me tog 'bum sbyin sreg byas na rgyal po'i pho brang 'khor du tshig gzung 'os par 'gyur ro/ /sna ma'i me
163a₆ tog 'bum sbyin sreg byas na bud med thams cad dbang du 'gyur ro/ /ske rtse'i sdong bu'i yam sreg shing sbrang rtsi la smyugs pa brgya sbyin sreg byas na gdon thams cad de la zhi bar byed par 'gyur ro/ /'bras kyi 'o thug dang sbrang rtsi
163a₇ 'bab chu'i nang du gtor na klu mo thams cad de'i dbang du 'gyur te rang rang gi gnas su yang khrid par byed do/ /log 'dren bsgrub par 'dod na a ti muk+ta ka'i me tog 'bum gtor na log 'dren thams cad dngos grub sbyin
163a₈ par byed do/ /a shwat+tha'i lo ma sbrang rtsi la smyugs pa stong rtsa brgyad sbyin sreg byas na gnod sbyin mo thams cad rig sngags 'chang de la nyin gcig bzhin snod gang ba ci 'dod pa 'bul lo/ /rma bya'i sgro stong rtsa brgyad

_{iiif viewer powered by OpenSeadragon}

162b - 163b

Texts on this page