rKTs

e-texts navigator

Volume

Page

161a₁ des grub par 'gyur te/ de bzung ba tsam gyis rig sngags 'chang 'khor los sgyur bar 'gyur te/ rig sngags 'chang thams cad kyi rgyal por 'gyur ro/ /rig sngags 'chang bye ba phrag du mas yongs su bskor cing /
161a₂ lha'i bu mo bye ba phrag du mas yongs su bskor nas lha'i gzhal med khang gi nang nas nam mkha' la 'gro zhing rtag tu mchod pa byed par 'gyur ro/ /ci ste bcom ldan 'das ma bsgrub par 'dod na/ ri mo'i sku gzugs kyi mdun du bzlas
161a₃ brjod drug 'bum byas na bcom ldan 'das ma mngon sum du mthong bar 'gyur te mthong ba tsam gyis de bzhin gshegs pa'i rjes su spyod par 'gyur ro/ /ting nge 'dzin kyang thob par 'gyur ro/ /byang chub sems dpa' rnams dang 'grogs
161a₄ pa yang 'thob bo/ /ci ste zhi bar byed par 'dod na pad ma kha ma bye ba stong rtsa brgyad phul na su'i ched du phul ba de zhi bar 'gyur ro/ /sna ma'i me tog stong rtsa brgyad sbyin bsreg byas na de'i nad thams cad med par 'gyur ro/ /ba ru ra'i
161a₅ me tog stong rtsa brgyad sbyin bsreg byas na dus ma yin par 'chi ba med par 'gyur ro/ /dpal gyis zin par 'gyur ro/ /a ti muk+ta ka kha ma bye ba khri sbyin bsreg byas na gang gi ched du byas pa de gdon gang gis zin par gyur pa de la bltas
161a₆ pa tsam gyis gtong bar 'gyur ro/ /zla ba spyang kis zin pa'i tshe mar zangs kyi snod du bzhag ste du ba 'thul gyi bar du bzlas brjod byas nas de 'thungs na thos pa 'dzin par 'gyur ro/ /ci ste rma bya bsgrub par 'dod na/ chu ngogs
161a₇ gnyis ga nas sa blangs te tsan dan dang bsres la rma bya'i gzugs byas te/ de nas rma bya de ri mo'i gzugs kyi mdun du bzhag la/ rma bya'i sgra 'byin gyi bar du bzlas brjod byas na de nas dngos grub tu 'gyur ro/ /ci ste rdzas bsgrub
161a₈ par 'dod na ka ra bI ra'i me tog 'bum phul na nyin gcig bzhin ti na ra lnga lnga rnyed par 'gyur ro/ /mid pa nub tsam gyi chur zhugs la 'bum bzlas brjod byas na gter rnyed par 'gyur ro/ /sna ma'i me tog kha ma bye ba 'bum sbyin sreg byas

_{iiif viewer powered by OpenSeadragon}

160b - 161b

Texts on this page