rKTs

e-texts navigator

Volume

Page

160a₁ med pa'i chu dang btags la lte ba'i phyogs su bskus na bud med bde bar bu btsa' bar 'gyur ro/ /zla ba spyang kis zin pa'i tshe ba ser skya'i mar zangs kyi snod du bcug ste tsi ri ri zer gyi bar du bzlas brjod byas la
160a₂ de 'thungs na thos pa 'dzin par 'gyur ro/ /nye ba'i gso sbyong byas pas tshes bcu drug nas brtsams te/ til dang sbrang rtsi bsres pa sbyin bsreg byas na rA dz+ya~M pra ti la b+h+ya ti la ri mo'i gzugs kyi drung du bye ba phrag gcig bzlas brjod
160a₃ byas na bcom ldan 'das ma shes rab kyi pha rol tu phyin ma mthong bar 'gyur te chos ston par yang byed do/ /de thos pas phyir mi ldog par yang 'gyur ro/ /tsan dan dmar po las rdo rje byas la de glor bzhag ste 'bar ba'i bar
160a₄ du bzlas brjod byas na de la reg pa tsam gyis gling bzhi'i rgyal por 'gyur ro/ /shing pa ta'i 'bras bu sbyin sreg byas na gang gi ming nas brjod pa de dbang du 'gyur ro/ /rgya shug gi 'bras bu rnams kyang de bzhin te gang gi ming nas
160a₅ brjod cing sbyin bsreg byas pa de dbang du 'gyur ro/ /yang na nim pa'i 'bras bu sbyin sreg byas na gang gi ming nas brjod pa de dbang du 'gyur ro/ /ba ru ra'i me tog gi sbyin bsreg byas na yul chen po rnyed par 'gyur ro/ /ma li
160a₆ ka'i me tog gi sbyin sreg byas na zas zad mi shes par 'gyur ro/ /ka ra bI ra'i me tog 'brum bu 'bum phrag gcig sbyin bsreg byas na ti na ra 'bum rnyed par 'gyur ro/ /sna ma'i me tog gi sbyin bsreg byas na mdun na 'don
160a₇ mchog tu 'gyur ro/ /bra ma'i khu ba dang sbrang rtsi lhan cig zangs kyi snod kyi nang du bzhag ste ti na ra rnyed kyi bar du bzlas brjod bya'o/ /gu gul gyi sbyin sreg gis ni rgyal phran thob par 'gyur ro/ /shing bil ba'i me'i me bus la ma
160a₈ li ka'i me tog 'bum phrag gcig sbyin bsreg byas na klu thams cad dbang du 'gyur ro/ /ba ru ra'i shing gi me bus la a ga ru'i yam sreg shing khri sbyin sreg byas na gnod sbyin thams cad dbang du 'gyur ro/ /lha chen po'i

_{iiif viewer powered by OpenSeadragon}

159b - 160b

Texts on this page