| e-texts navigator |
| བོད་ཡིག |
297a1 pa/ /gang zhig cung zad bstan par bya/ /de kun sgyu mas sgyu ma'o/ /'gro ba sgyu ma lta bur shes/ /des na sgyu ma lta bu yis/ /sgyu ma lta bu'i dkyil 'khor bya/ /nam mkha'i khams kyis khyab pa
297a2 yi/ /thams cad yum gyis yang dag 'khrugs/ /phyi rol yang ni brtag par bya/ /gsang ba'i dkyil 'khor yum rnams kyis/ /dben zhing dga' ba'i gnas su ni/ /yid kyi legs par 'du byas pa/ /nam
297a3 mkha' la ni thig gis gdab/ /thog mar de yis dam pas so/ /de nas rnal 'byor chen pos thig /gsang ba'i yum gyi dkyil 'khor ro/ /mu khyud dag gi rnam mdun du/ /kun nas yongs su bskor
297a4 bar bya/ /dbus kyi cha ru dkyil 'khor ni/ /'khor lo lta bur bri bar bya/ /kun nas brgyad gnyis mdzes pa ni/ /dkyil 'khor bzhi yi dbus su'o/ /'khor lo'i lte ba'i dbus su ni/ /pad ma ze 'bru ldan pa
297a5 bri/ /mtshams dang mtshams su 'dab ma ni/ /ji lta ba bzhin bsnyems bcas pas/ /srad bu lnga yis yang dag 'khrugs/ /srad bu bzhi yis nye bar spras/ /sgo bzhi dang ni yang dag ldan/ /rta babs seng ge
297a6 dag gis rgyan/ /gdugs dang rgyal mtshan ba dan sogs/ /bla res steng du bres pa dang / /rin chen rdo rjes pad ldan sngon/ /dpag bsam shing gi lcug mas khyab/ /bum bzang rin chen ldan pa'i mchog /rgyan phreng glang po
297a7 ldan pa ni/ /phyi rol gnas te legs par bris/ /rtog dang mi rtog rnam spangs te/ /dkyil 'khor rgyal po'i dbus su ni/ /gsang ba rgyan gyi rdo rje bya/ /mnyam par gzhag cing spro ba yis/ /sems kyis bri ba nyid du bya/ /de nas
297a8 lha mo zhal bzhi ma/ /shes rab pha rol phyin dge ba/ /phyag bzhi pa la spyan yangs ma/ /phyag gnyis kyis ni chos 'chad cing / /bzhi pa'i g.yas par rdo rje ste/ /g.yon pa pad mas rnam par brgyan/ /dkar dang dmar po cher
iiif viewer powered by OpenSeadragon
Texts on this page
J462 - de bzhin gshegs pa thams cad kyi sku gsung thugs kyi gsang ba rgyan gyi bkod pa zhes bya ba'i rgyud kyi rgyal po