| e-texts navigator |
| བོད་ཡིག |
92b1 lha rdzas lcags kyu zhags thogs pa/ /rab tu bzhad cing spyan phye bas/ /'od dpag med pa'i zhabs drung du/ /bsgrubs bya rgyags pas myos pa dag /bkug steng mda' yis bsnun na ni/ /skad cig nyid la dbang du mdzad/ /mi
92b2 ngas gnod pa gzhig pa'i phyir/ /sku chen nam mkha'i kha dog can/ /'od zer can dang ri khrod mas/ /rdo rje don yod zhabs drung du/ /mkhas pas sngar bshad tshul du ni/ /bdud rtsi yis kyang rnam par bzlog /lha mo khro
92b3 gnyer mA ma kI/ /margad lta bu'i mdog can ma/ /hU~M zhes bya ba'i sgra sgrogs pa/ /rdo rjes bsdigs par brtson pa yis/ /rdo rje mi 'khrugs zhabs drung du/ /khros nas rdo rje'i me yi char/ /'bebs par rnam par bsam par bya/ /
92b4 rdo rje rab tu 'bar ba des/ /bsgrub bya tshig nas mog ces byed/ /sbyor ba 'di yi mod la ni/ /de ni 'chi bar 'gyur ba'am/ /yang na lus ni 'jig par mdzad/ /byin brlabs dam tshig dbang bskur la/ /rdo rje sems ma rin chen dang / /
92b5 chos dang rdo rje las ma bzhi/ /sbyor ba rnams ni rab tu sbyar/ /sems dpa' chen po bcu drug kyang / /bla med 'khor lo byed pa ste/ /rang gi phyogs nas las byas na/ /'bras bu don yod sbyin par byed/ /khro bo'i lus la legs gnas te/ /
92b6 khro bo'i rgyal po sbyar bar bya/ /dam tshig la sogs cho ga bzhin/ /der ni rdo rje bsgoms nas bskul/ /rkang pa'i rjes kyi sa blangs la/ /dur khrod thal ba dag dang bsre/ /de yi ras blangs mi rus dang / /chu 'gram gnyis kyi sa dag
92b7 ni/ /btags nas lung bong gcin gyis sbru/ /de las dgra bo'i gzugs byas la/ /de tshe gzugs brnyan bcing bar bya/ /dug dang ske tshe lan tshwa dang / /'bru mar tsha ba rab bsres te/ /dgra bo tsha ba bskyed pa'i phyir/ /
92b8 de yis lus nang rab tu dgang / /de nas rnam shes rlung 'dra ba/ /lcags kyu yis ni bkug nas kyang / /srin bu me khyer 'dra bcug ste/ /zhags pa yis ni dam du gzung / /de ni rdo rje sgrog tu gzhug /
iiif viewer powered by OpenSeadragon
Texts on this page
J444 - rgyud kyi rgyal po chen po sgyu 'phrul dra ba zhes bya ba