| e-texts navigator |
| བོད་ཡིག |
86a1 pas dkris pas mthe bo gnyis mdun du bzhag pa las cung zad bkug ste kha'i tshul du byas pa 'di ni gshin rje gshed kyi phyag rgya'o/ /lag pa g.yon pa rdo rje khu tshur bcangs pa las khro bo'i mdzub
86a2 mo snying gar bzhag ste/ lag pa g.yas pa thal lcag gi tshul du byas pa ni khro bo gzhan gyis mi thub pa'i phyag rgya'o/ /rdo rje khu tshur gnyis la mthe'u chung lu gu rgyud ltar mdud la 'dzub mo gzhibs te bsgreng ba las bzlog ste/
86a3 dpral bar bzhag pa ni rta mgrin gyi phyag rgya'o/ /lag pa gnyis kyi mthe bos srin lag dang mthe'u chung gnyis kyi sen mo mnan la ral gri shubs nas dbyung ba'i tshul du byas pa ni 'phags pa mi g.yo ba'i phyag
86a4 rgya'o/ /lag pa gnyis rdo rje khu tshur bcangs pa las rgyab sprad de mthe'u chung gnyis lu gu rgyud ltar bcings nas 'dzub mo gnyis bsgrengs pa las zhags pa'i tshul du byas pa ni 'dod pa'i rgyal po'i phyag rgya'o/ /lag pa g.yon
86a5 pa'i rdo rje khu tshur gyi 'dzub mo snying gar bzhag la/ g.yas pa khro bo'i sor mo be con gyi tshul du phyar ba ni be con sngon po can gyi phyag rgya'o/ /lag pa g.yon pa rdo rje snying gar bzhag la g.yas pa'i rdo rje khu tshur
86a6 rdeg stangs dang bcas par phyar ba ni stobs po che'i phyag rgya'o/ /lag pa gnyis so sor khu tshur bcangs la/ 'dzub mo dang gung mo bsgrengs te sprad nas me tog gi tshul du byas pa ni byams pa'i phyag rgya'o/ /lag pa gnyis thal
86a7 mo khong stong du sbyar nas 'dzub mo gnyis kyis srin lag gnyis kyi sen mo mnan nas uta pal kha bye ba'i tshul du gzhug pa ni 'jam pa'i dbyangs kyi phyag rgya'o/ /lag pa g.yon pa pang par bzhag la/ lag pa g.yas pa glang
86a8 po che'i sna ltar byas pa ni spos kyi glang po'i phyag rgya'o/ /g.yon pa'i rdo rje khu tshur nam mkha' la sgreng ba lag pa g.yas pa'i sor mo ba dan gyi tshul du byas pa ni ye shes tog gi phyag rgya'o/ /bzang po'i 'dug stangs su 'dug ste/
iiif viewer powered by OpenSeadragon
Texts on this page
J444 - rgyud kyi rgyal po chen po sgyu 'phrul dra ba zhes bya ba