| e-texts navigator |
| བོད་ཡིག |
75a1 'brang ma'i ye shes rnam par rgyal ba'i rdo rje zhes bya ba'i ting nge 'dzin to/ /ba yi ye shes rol pas bskrun/ /lha mo nor gyi blo gros ma/ /gzi chen gser gyi mdog can la/ /phyag drug lang tsho dar la bab/ /rgyan rnams
75a2 kun gyis brgyan pa ste/ /'jo sgeg thabs bcas 'bar ba ste/ /de yi phyag g.yas mchog sbyin mdzad/ /gnyis pas 'bru yi snye ma dang / /gsum pa yis ni mda' yang gsor/ /phyag g.yon yid bzhin nor bu dang / /
75a3 rin chen char 'bebs gzhu yang 'dzin/ /grogs mo'i skye bos yongs bskor cing / /mngag gzhug gnod sbyin mo yi gzugs/ /rin chen char pa 'babs pa dang / /nor kun gyi ni char pa yang / /'bebs par byed pa
75a4 bsam par bya/ /nor gyi blo gros chen mo 'di/ /de ltar sngags pas bsgoms na des/ /dpag tshad bdun ni rgyas par yang / /nor gyi char gyis khyab par mdzad/ /byang chub sbyin mchog dam pa ma/ /de ltar rnal 'byor
75a5 bdag nyid bsgom/ /nor gyi rgyun gyi char rab tu 'bebs pa'i ye shes kyi rdo rje zhes bya ba'i ting nge 'dzin to/ /bi yi ye shes las bsgrubs pa/ /srin mo 'bar ba'i glog phreng can/ /ming ni dngul dkar las skyes mo/ /
75a6 stobs mo che la pha rol gnon/ /gsus 'phyang mo la mche gtsigs ma/ /skra ser kham pa gyen du brdzes/ /thor tshugs cod pan gyis brgyan pa/ /spyi bo la ni mi 'khrugs bzhugs/ /bcu gnyis dbu dang bcwa brgyad
75a7 phyag / spyan ni gsum gsum thod phreng ldan/ /drag mo lag na rak+ta yis/ /bkang ba'i thod pa thogs pa ste/ /smad g.yogs seng ge'i lpags pas g.yogs/ /sbrul gyis mchod phyir thogs pa can/ /ral gri
75a8 lcags kyu 'khor lo dang / /gtun shing rtse gsum dril bu dang / /ba dan lhag dbyug mdung mchog sbyin/ /gzhu mda' mdung thung be con dang / /zhags pa dgra sta tho ba thogs/ /rgyan rnams kyis ni lus la brgyan/ /
iiif viewer powered by OpenSeadragon
Texts on this page
J444 - rgyud kyi rgyal po chen po sgyu 'phrul dra ba zhes bya ba