| e-texts navigator |
| བོད་ཡིག |
59b1 gzar nas 'gying bag can du bltas nas rdo rje gsor te/ pus mo g.yas pa'i lha nga sa la btsugs te/ thal mo sbyar nas bcom ldan 'das la phyag 'tshal nas gsol pa/ sangs rgyas bcom ldan 'das rnams ni dgongs pa
59b2 ma mchis par 'dzum pa mi mdzad na/ bcom ldan 'das kyis dgongs pa gang gi slad du gzigs pa dang 'dzum pa mdzad/ des na bdag dang 'khor rnams ngo mtshar du gyur pa lags na/ de'i slad du bcom ldan 'das kyis
59b3 seng ge chen po'i sgra dbyangs kyis bka' stsal du gsol/ de nas byang chub sems dpa' sems dpa' chen po phyag na rdo rjes de skad du gsol ba btab ma thag tu/ bcom ldan 'das kyis rgyud kyi rgyal po chen po sgyu 'phrul
59b4 dra ba ye shes rnam par bsgyings pa/ rgyud thams cad kyi phyi ma'i yang phyi ma'i thabs bde ba rdo rje'i ye shes bsgrub pa rol pas mnyes par bya ba'i thabs de kho na nyid thams cad kyi 'byung gnas stang stabs kyis rnam par
59b5 rgyal ba'i thabs dang shes rab bde ba chen po'i rdo rjes sgrol ba/ rol pas bzhad cing bsgyings pa rdo rje zhes bya ba'i ting nge 'dzin la snyoms par zhugs nas/ sgyu 'phrul dra ba'i rgyud kyi dam tshig dang / dkyil 'khor
59b6 dang ri mo'i gzugs dang / bsgom pa dang bzlas brjod dang stang stabs dang / sbyor ba dgongs pa dang / ting nge 'dzin dang dbab pa dang / bskrad pa dang dbrog pa dang dgug pa dang bcing ba dang brdeg pa dang bsdigs pa dang
59b7 nyam thag par bya ba dang bcad pa dang bsreg pa dang / bkang ba dang bskrun pa dang dbang bskur ba dang sbyin pa dang / slob dpon dang slob ma gzung ba dang / gsang sngags mang po'i 'jog tshul rnams ngas bshad par bya'o/ /
59b8 de'i phyir khyod kyis kyang ting nge 'dzin mchog la snyoms par zhugs la nyon cig /de nas de bzhin gshegs pa de dag thams cad dang / byang chub sems dpa' thams cad dang / gzhan yang gang dag 'khor du 'dus pa
iiif viewer powered by OpenSeadragon
Texts on this page
J444 - rgyud kyi rgyal po chen po sgyu 'phrul dra ba zhes bya ba