| e-texts navigator |
| བོད་ཡིག |
59a1 @##/ /rgya gar skad du/ mA yA dzA la ma hA tan tra rA dza nA ma/ bod skad du/ rgyud kyi rgyal po chen po sgyu 'phrul dra ba zhes bya ba/ dpal rdo rje sems dpa' la phyag 'tshal lo/ /'di skad bdag gis thos pa
59a2 dus gcig na/ bcom ldan 'das gnas gtsang ma'i steng na/ khang pa brtsegs pa'i rin po che'i gzhal med khang chen po bkod pa/ rdo rje'i ka bas brgyan pa shin du mdzes pa'i rin po che bkod pas rnam par bkra ba/ rdo rje
59a3 dril bu 'khrol ba/ yid las byung ba'i mchod pa'i khyad par chen pos brgyan pa/ rdo rje'i 'khor los spras pa/ de bzhin gshegs pa'i sprul pa'i cha byad sna tshogs 'chang ba rnams kyis don gyi bya ba byas pa/ rnam par snang mdzad
59a4 kyi snying po las yang dag par 'byung ba'i spyod pa bskyod nas zhal bzhi'i sgo'i go skabs nas byung ba sna tshogs dang rdo rje dang / rin po che chen po dang 'od dpag med dang / byang chub sems dpa' sems dpa' chen po'i tshogs
59a5 dang / rig sngags kyi lha mo rnams kyis brgyan pa/ khro bo'i rgyal po dang / bran dang bran mo dang / pho nya dang pho nya mo dang phyag brnyan dang / phyag brnyan mo du ma'i 'khor gyis bskor cing mdun gyis bltas pa/ ting nge 'dzin gyi ye
59a6 shes kyi bde ba de'i bdag nyid dang / dmigs pa dang ma bral ba thugs rje chen pos mnyes gshin pa/ sems can thams cad bsgral ba la brtson par mdzad pa/ lha dang klu dang gnod sbyin dang dri za dang lha ma yin dang nam mkha'
59a7 lding dang mi 'am ci dang / lto 'phye chen po dang mi dang / mi ma yin pa la sogs pa mang pos brgyan pa na/ bcom ldan 'das rnam par snang mdzad chen po rdo rje de bzhin gshegs pa bzhugs so/ /de nas de'i tshe bcom ldan 'das kyis 'khor
59a8 gyi khyams kyi dbus na byang chub sems dpa' sems dpa' chen po phyag na rdo rje 'dug pa la gzigs nas 'dzum pa mdzad do/ /'dzum pa mdzad ma thag tu byang chub sems dpa' sems dpa' chen po phyag na rdo rjes bla gos phrag pa gcig tu
iiif viewer powered by OpenSeadragon
Texts on this page
J444 - rgyud kyi rgyal po chen po sgyu 'phrul dra ba zhes bya ba