| e-texts navigator |
| བོད་ཡིག |
164b1 zla ba zla ba'i bcu bzhi la/ /bdud rtsi lnga dang ldan pa yi/ /sha lnga yis ni byug byas la/ /mchog gi bzlas pas bzlas par bya/ /'di ni bye ba bzlas pa yis/ /rgyal po nges par 'grub 'gyur te/ /e ma sngags kyi nus pa
164b2 yis/ /ro ni sgrogs par byed 'gyur na/ /gshin rje gshed kyi rnal 'byor ldan/ /cung zad 'jigs par mi bya'o/ /rnal 'byor gang dang gang 'dod pa/ /de rnams thams cad ster bar 'gyur/ /ma he dang ni chu srin nam/ /
164b3 stag gam de bzhin gzhan yang ni/ /dred dang spre'u'i khyad par can/ /dug dang ske tshe tshwa dang ni/ /shau b+hAny+dza na~M tsha ba gsum/ /de rnams las ni gzugs brnyan ni/ /gshin rje gshed kyi gzugs 'jigs byed/ /
164b4 hrIHSh+T+TIH la sogs sngags bzlas la/ /rnal 'byor pa yis gsol ba gdab/ /rgyal po che ge mo sod la/ /bdag la de yi bya ba gyis/ /bsnyen pa bye ba bzlas pas 'grub/ /nges par bden par the tshom med/ /de nas
164b5 gzhan yang rgyal zla yi/ /dkar phyogs nyi ma snums ldan tshe/ /rdul gyi gos ni yang dag blang / /ri mo mchog nyid bri bar bya/ /snag tsha chen po mtshungs sbyor bas/ /dkyil 'khor gyi ni bdag po nyid/ /kha dog dkar po
164b6 'jigs chen po/ /mchog ni zhal gcig phyag gnyis pa/ /g.yas na rdo rje 'bar ba dang / /g.yon na khrag bcas mgo bo 'dzin/ /g.yon brkyang zhabs dang 'jigs pa ste/ /rin chen cod pan rnam brgyan cing / /
164b7 rin chen rgyan rnams yongs rdzogs la/ /'od zer phreng bas 'khrigs pa ste/ /rgyal po gsod par byed pa ni/ /'og gi cha la nges par sbyar/ /ming bcas kha dog yang dag ldan/ /ji lta ba yi rnam par gnas/ /lha la yongs
164b8 su rdzogs par bya/ /ji lta ba yi dngos po'i tshad/ /dkyil 'khor gru gsum nges par ni/ /de yi mdun du sbyin sreg bya/ /sbyin sreg 'bum gyis rgyal po ni/ /thob 'gyur 'di la the tshom med/ /de nas gzhan yang zla gzas gzung / /
iiif viewer powered by OpenSeadragon
Texts on this page
J451 - dpal gshin rje'i gshed dmar po zhes bya ba'i rgyud kyi rgyal po