| e-texts navigator |
| བོད་ཡིག |
163a1 de nas bcom ldan 'das gshin rje mthar byed chen po dkrug pa rdo rje khu ba 'gugs pa rdo rje zhes bya ba'i ting nge 'dzin la snyoms par zhugs so/ /khu ba 'gugs pa gau rI'i sngags gsungs pa 'di lta ste/
163a2 oM kar+D+h+ri ni kaR+Sha Ni gau rI dzaH duSh+Ta pra duSh+TA/ yAHshu kra mA kar Sha ya dzaHdzaHdzaHhUM swA hA/ /nam mkha'i gdong dang rdo rje'i lam/ /rlung dang dril sbyor lcags kyu yis/ /khu ba'i tshogs rnams 'gugs par byed/ /bsgom dang bzlas
163a3 pa rab sbyor bas/ /skye bos dben dang nags tshal du/ /las 'di rab tu bsgrub par bya/ /mtshan mo bdun gyi sbyor ba yis/ /'grub 'gyur 'di la the tshom med/ /de nas bcom ldan 'das rdo rje gshin rje gshed chen po
163a4 dus kyi dbye ba rdo rje zhes bya ba'i ting nge 'dzin la snyoms par zhugs so/ /'dir mchog gi dbang bskur ba'i dam tshig nyid kyi sku gsung thugs rdo rje rnams las spro bar mdzad nas/ u du~M ba ra man dA ra/ /yongs su skyes
163a5 dang sna ma dang / /kar Na ka yi phreng ba rnams/ /bu khyod zung la byin gyis rlobs/ /khams gsum ral gri chen po la/ /sangs rgyas kun gyis phyag byas pa/ /bzung na bdud las rgyal bar 'gyur/ /las kyi ral gri dam
163a6 pa 'di/ /thabs dang shes rab rang bzhin gyi/ /rdo rje dril bu bsgrub pa'i phyir/ /bu khyod gsang ba'i rdo rje zung / /slob ma yang dag gzung bar gyis/ /'di ni btung ba rin chen te/ /rdo rje'i lus su rab sgrub pa/ /
163a7 mi yi btung bya ye shes chu/ /bu khyod kyis ni thams cad du/ /slob ma'i khar yang blud par bya/ /gshin rje gshed kyis rab tu gsungs/ /sems ni rab tu dga' ba yis/ /rdo rje slob ma bdag nyid che/ /
163a8 de bzhin gshegs pa thams cad kyi sku gsung thugs gshin rje gshed dmar po'i rgyud las sngags kyis 'gugs pa rab tu sbyor ba ste rim par phye ba gsum pa'o// // de nas dpal ldan rdo rje 'chang / /
iiif viewer powered by OpenSeadragon
Texts on this page
J451 - dpal gshin rje'i gshed dmar po zhes bya ba'i rgyud kyi rgyal po