rKTs

e-texts navigator

Volume

Page

160b₁ mnar med la sogs mi skye'o/ /e ma bdag nyid chen po ste/ /bsad pas sangs rgyas byang chub thob/ /slar yang brtse bas sems can rnams/ /gsad par bya bas gsad par bya/ /e ma snying rje'i stobs kyis te/ /
160b₂ snying rje dman pas 'grub mi 'gyur/ /oM hrIHSh+T+rIHwi kr-i tA na na hU~M hU~M phaT phaT hU~M lha sbyin sod hU~M/ oM hrIHSh+T+rIHwi kri tA na na hU~M hU~M phaT phaT/ hU~M phaT lha sbyin mA ra ya hU~M phaT/ ces pa ni bcom ldan 'das kyis rtog pa chen po gsad pa'i rdo rje'i
160b₃ 'khrul 'khor dang sngags dang rgyud kyis gsad pa la sogs pa'i dam tshig tu gsungs so/ /de nas 'khor lo gnyis bris te/ /phaT kyi yi ge'i nang du ni/ /bsgrub bya'i ming dang bcas pa gzung / /thod pa yang dag sbyar byas te/ /srad bu
160b₄ nag pos dkri bar bya/ /zhe sdang sems kyis nyin gung la/ /dur khrod du ni gzhug par bya/ /gshin rje mthar byed mtshungs bltas nas/ /bsgrub bya rang gi mdun du bya/ /rta dang ma he'i steng na gnas/ /gnyis po de yi lag na mtshon/ /
160b₅ khro bo'i tshogs kyis kun nas bskor/ /gnyis po'i phyogs la bsam par bya/ /gnyis po dag ni 'thab byed cing / /khro bas sems ni bcings pa ste/ /'thab mo byed par bsgom byas la/ /sgom zhing bzlas pa brtsam par bya/ /
160b₆ oM hrIHSh+T+rIHwi kri tA na na hU~M hU~M phaT phaT/ lha sbyin dang mchod sbyin dag rnam par zhe sdang bar gyis shig phaT ces pa ni bcom ldan 'das kyis zhe sdang chen po'i dam tshig tu gsungs so/ /cho ga de yis sngon ma bzhin/ /'khor lo gnyis po
160b₇ kun du bri/ /hU~M phaT yi ge dag gis brten/ /thod pa gnyis ni yang dag sbyar/ /srad bu nag pos yang dag dkri/ /pha gshin nags su bzhag byas la/ /gshin rje gshed kyi rnal 'byor gyis/ /bsgrub bya sngon du gzung bar
160b₈ bsgom/ /ya~M las byung ba gzhu yi dbyibs/ /rlung gi dkyil 'khor nag po la/ /rnga mo chen mo kha dog sngo/ /de yi steng du bsgom par bya/ /de la ma rungs chen po ste/ /rdeg cing lho phyogs 'deng ba dang / /

_{iiif viewer powered by OpenSeadragon}

160a - 161a

Texts on this page