| e-texts navigator |
| བོད་ཡིག |
155b1 bsrung ba dang / /sbyin sreg dkyil 'khor las rnams dang / /byang chub sems kyi rnams dpyad dang / /thabs rnams kun gyi spyod pa dang / /pha rol grong du 'jug rnams la/ /'od zer rnam lnga 'khrigs pa yi/ /rdo rje bsrung ba'i don du
155b2 bsgom/ /rdo rje sa gzhi'i cha rnams la/ /ra ba gur rnams de bzhin no/ /de nas bcom ldan 'das de bzhin gshegs pa thams cad kyi bskyed par mdzad pa/ bdud thams cad rnam par 'joms pa rdo rje zhes bya ba'i ting nge 'dzin
155b3 la snyoms par zhugs nas gti mug gshin rje'i gshed la sogs pa thams cad kyi sa bon 'di nyid kyi sku dang gsung dang thugs rnams las nges par phyungo / /ya ni dbus su ste/ k+She ma me da ya ts+tsha ni rA/ dzA sa do ru Na yo ni ra/ dang por ya
155b4 las gshin rje'i gshed/ /k+She yig las ni rmongs par brjod/ /ma yig las ni phra mar bshad/ /me yig las ni 'dod chags nyid/ /da yig las ni phrag dog ste/ /gshin rje'i gshed rnams lnga ru grags/ /
155b5 dza yig tsar tsi kAr bshad do/ /sa yig las ni phag mo'o/ /do yig dbyangs can mar bshad do/ /ru yig gau rI mar 'dod do/ /Na yo ni ra mtshams bzhi la/ /mi yi thod pa rnam pa bzhi/ /de nas bcom ldan 'das
155b6 de bzhin gshegs pa thams cad kyi bdag po gshin rje'i gshed rdo rje zhes bya ba'i ting nge 'dzin la snyoms par zhugs nas zhe sdang chen po'i rigs bsgom pa'i rnal 'byor gsungs pa/ sbyin dang tshul khrims bzod par
155b7 ldan/ /ro gcig mkhas pas sems can don/ /byams sogs yon tan kun du rdzogs/ /thos pa'i rgyun gyis rnam par brgyan/ /dang por kha sogs yongs su gsang / /snga bar snying rje'i bdag nyid can/ /rab tu rtsom pa dben
155b8 pa'i phyogs/ /du khrod sogs su bde ba'i gdan/ /dben zhugs nyid kyi thugs kar ni/ /pad nyi blta zhing 'od rab 'bar/ /de yi 'od kyis bkug byas nas/ /sems can don rnams phun sum tshogs/ /
iiif viewer powered by OpenSeadragon
Texts on this page
J451 - dpal gshin rje'i gshed dmar po zhes bya ba'i rgyud kyi rgyal po