| e-texts navigator |
| བོད་ཡིག |
146a1 mu khyud dag la ni/ /yi ge bcu pa ming bcas bri/ /phyogs bzhir rtse gsum rdo rjes mtshan/ /de bzhin rdzas rnams ma lus pas/ /'khor lo lto bar ldan pa bri/ /gshin rje'i gzugs ni ral gri dang / /
146a2 dbyug pa 'dzin pa bris nas ni/ /de dang de gnyis lto sbyar la/ /mtshan ngan thod pa'i nang du gzhug /tsha gsum ske tshe dug mu zi/ /ro nyes bkang nas dkyil 'khor ni/ /gru gsum dbus su gzhag par bya/ /yungs dang
146a3 bra bo sA lu nag / dza b+hi bra ba sogs rnams la/ /gsang sngags rgyal po brjod byas te/ /dro'am du ba 'thul bar du/ /rims dang rims kyi khrag rnams ni/ /ma lus zad par 'thung ba yis/ /ma yengs par ni bsam
146a4 gtan bya/ /yang na bsgrub bya za bar mthong / /shing gcig rtsar ni rengs pa dang / /mal gyi 'og tu zha zhing lkugs/ /chu mdor 'byed zhing ri rtser bskrad/ /gsad pa me thab 'og tu sba/ /dgug pa la ni sgo khang 'og /lha
146a5 'am 'khor lo sgyur ba'o/ /bde gnas rnams kyis dbang du 'gyur/ /mar khu chen po thod pa yi/ /nang du blugs nas bskol byas te/ /bzhar bas mig la byug byed na/ /mngon shes de nyid myur du 'thob/ /rigs ldan rgyal
146a6 po las rnyed cing / /mdog ldan lang tsho gser bkug la/ /tsan dan 'de gu mang byas te/ /las kyi sbyor bas de nyid bcing / /yang na me la gdung bas 'grub/ /oM badzra kro d+ha ya ma rA dza badzra kI li kI le/ ha na ha na ma ra ya
146a7 phaT/ ces bya'i gsang sngags brjod byas la/ /rus pa'i phur pas gdab par bya/ /gsal shing la btsug skyes bu yi/ /rdzas la brten te bsgrub par bya/ /til mar byugs la thod pas gzhar/ /mar mer byas pa'i
146a8 dud pa yis/ /mig rnon dag ni 'grub par 'gyur/ /gsang sngags rgyal po thogs med la/ /bten pas thob bya mang mod kyang / /'dir ni brjod pa ci zhig dgos/ /yang ni 'di ltar shes bya ste/ /rang nyid sngags dang
iiif viewer powered by OpenSeadragon
Texts on this page
J448 - dpal rdo rje 'jigs byed kyi rtog pa'i rgyud kyi rgyal po