| e-texts navigator |
| བོད་ཡིག |
142b1 pa rnam par bsam mo/ /ma he'i gdong pa'i rnal 'byor la gnas pas de la bka' bsgo ba/ gshin rje song la yul che ge mo nas bu mo che ge mo myur bar khug cig /de skad bskul bas ya~M gi rnam par bskyod de song bar rnam par
142b2 bsam par bya'o/ /bsam gtan 'di'i rab tu sbyor ba la gnas pa'i sngags pas khams gsum du gtogs pa'i bud med bkug la rol bar bya'o/ /ji ltar bsam pa brtan par gyur na 'di'i rab tu sbyor bas de dag bya'i gzhan gyis mi
142b3 bya'o/ /de nas sbrul gyis zin pa blang ba'i rab tu byed pa gsungs te/ rang gi snying gar pad ma dkar po 'dab ma brgyad pa rnam par bsam mo/ /de'i steng du dbyangs yig gsum pa 'dab mar phaT brgyad rnam par bsam mo/ /de
142b4 yis ni 'og gi klu'i gzugs rnam par bsam par bya ste/ de'i spyi bor yi ge i kha dog dkar po las bdud rtsi 'dzag pa bsam par bya'o/ /klu de'i mig rnams nas bdud rtsi 'phros nas bsgrub bya de'i lus la thim par bsam
142b5 par bya ste/ bsam gtan 'di'i sbyor bas khams gsum yongs su gang ba'i dug kyang med par 'gyur ro/ /dug khur stong yang za nus so/ /de nas zhu ba'i bsam gtan gyi rab tu sbyor ba 'byung ste/ bsgrub bya mdun du
142b6 bsam ste/ de'i rkang pa gnyis la yi ge ya~M las gyur pa'i rlung gi dkyil 'khor bsam par bya/ de'i steng du gsang ba'i gnas su me'i dkyil 'khor gru gsum kha dog dmar po ra~M gyis byin gyis brlabs pa bsam par bya'o/ /
142b7 de'i steng du snying gar sa'i dkyil 'khor gru bzhi pa mdog ser po la~M gyis byin gyis brlabs pa bsam par bya'o/ /de'i steng du dpral bar zla ba'i dkyil 'khor rnam par bsam par bya'o/ /de'i dbus su yi ge ba~M mgo thur
142b8 du gnas pa las bdud rtsi 'dzag par bsam ste/ 'di ni legs par rnam par bsams nas rlung gis me rab tu sbar te/ me des dbang chen gyi dkyil 'khor bsregs par rnam par bsam/ dbang chen gyi dkyil 'khor
iiif viewer powered by OpenSeadragon
Texts on this page
J447 - dpal rdo rje 'jigs byed kyi chen po'i rgyud ces bya ba